Nte oyomde okụbọde

Mek usem

Be ka udiana n̄kpọ

Be ka se isịnede

Mme Ntiense Jehovah

Efịk

Esenyịn Utom Ukara Otoro Mme Ntiense Jehovah

Esenyịn Utom Ukara Otoro Mme Ntiense Jehovah

Esenyịn utom ukara ama aka ekese Ufọkmbono Obio Ubọn̄ Mme Ntiense Jehovah emi ẹkebọpde ke esịt obio Sydney, Australia. Enye ọkọdọhọ ete: “Ebịghi n̄kokụt ebiet emi ẹnamde n̄kpọ ke nde ke nde nte enye emi.

Ete oro ama ewet ete: “Ẹkenam kpukpru n̄kpọ ke nde ke nde . . . Kpukpru itie ama asana onyụn̄ eye, n̄kpọ ikasuanake ibono ntịme ntịme, owo ikesịrike usụn̄ man edieke n̄kpọ etịbede ẹkeme ndifehe n̄wọrọ, owo ikobonke waya ntịme ntịme, ndien ediwak n̄kpọ unịme ikan̄ ẹma ẹdu . . . Kpukpru owo do ẹkesịne nnyan ubọkọfọn̄, nnyan ọfọn̄ukot, ẹyara itam utom, ẹnyụn̄ ẹsịne akrasi enyịn mbak n̄kpọ ididụk mmọ enyịn. . . . Mbon emi ẹnamde utom do ẹma ẹsin̄wam kpukpru owo.

Victor Otter emi ekesede aban̄a utom do ama ọdọhọ ete: “Nnyịn Mme Ntiense Jehovah imesinen̄ede idiọn̄ọ nte inamde utom mbak idida unan. Ke ini itịn̄de enyịn inam utom, nnyịn iwụt ke ida uwem ke akpan n̄kpọ nte Abasi adade, imesinyụn̄ idiana kiet inyụn̄ ikop inemesịt. Ke ima ikokụre utom usen kiet kiet, esịt esinem mi ebe nde.

Ẹkekụre Ufọkmbono Obio Ubọn̄ emi odụkde owo 127 mi ke April 2002.