Nte oyomde okụbọde

Mek usem

Be ka udiana n̄kpọ

Be ka se isịnede

Mme Ntiense Jehovah

Efịk

Ndi Mbufo Isidụkke Ndụk ye Mbon Emi Mîdụhe Aba ye Mbufo?

Ndi Mbufo Isidụkke Ndụk ye Mbon Emi Mîdụhe Aba ye Mbufo?

Nnyịn isuaha mbon oro ẹkenade baptism nte Mme Ntiense Jehovah edi oro mîkwọrọke ikọ aba, idem ọkpọkọm mmọ idụhe aba ye nnyịn. Ke akpanikọ, imesika ikokot mmọ ẹfiak ẹdinam n̄kpọ Abasi.

Inyụn̄ idịghe owo ama ananam idiọkn̄kpọ nnyịn ibịn enye. Edi edieke Ntiense emi anade baptism amade ndinam se Bible akpande inyụn̄ ikabakede esịt, imesisio enye ifep mîdịghe itre ndidụk ndụk ye enye. Bible etịn̄ in̄wan̄-in̄wan̄ ete: “Ẹsio idiọkowo oro ke otu mbufo ẹfep.”—1 Corinth 5:13.

Nso ndien kaban̄a owo emi ẹsiode ẹfep edi emi n̄wan ye nditọ esie ẹsụk ẹdide Mme Ntiense Jehovah? Enye osụk edi iman mmọ, edi mmọ iditiehe aba ọtọkiet inam n̄kpọ Abasi. Mmọ ẹyeka iso ẹnam mme n̄kpọ eken nte ubon ẹnyụn̄ ẹma kiet eken.

Mbon emi ẹsiode ẹfep ẹkeme ndidụk mme edinam nnyịn. Edieke mmọ ẹmade, mbiowo ẹkeme ndika iso nnọ mmọ item. Ẹsinam emi man ẹn̄wam owo afiak odot ndidi Ntiense Jehovah. Ẹsifiak ẹda mbon emi ẹkesiode ẹfep, emi ẹtrede idiọk uwem ẹnyụn̄ ẹwụtde ke imenen̄ede iyom ndidu uwem nte Bible etemede.

Kpep N̄kpọ En̄wen

Ntak Emi Ẹsisiode Ndusụk Owo Ẹfep- e?

Didie ke ntụnọ emi Abasi ọnọde ke ima anam ufọn ọnọ anamidiọk emi akabarade esịt?