Be ka se isịnede

Be ka udiana n̄kpọ

Mme Ntiense Jehovah

Efịk

Nso Idi Ukpepn̄kpọ Bible?

Nso Idi Ukpepn̄kpọ Bible?

Mme Ntiense Jehovah ẹnyene ndutịm ukpepn̄kpọ Bible emi ọbọrọde ediwak mbụme, utọ nte:

  • Anie Edi Abasi?

  • Nte Abasi enen̄ede ekere aban̄a mi?

  • Nso ke n̄kpanam man ndọ mi ọfọn?

  • Nso ke n̄kpanam man n̄kop inemesịt?

Oyokụt ibọrọ ediwak mbụme emi ẹsibụpde ẹban̄a ndutịm ukpep Bible nnyịn ke idak emi.

Isikpep didie n̄kpọ? Iyosio ibuotikọ nte “Abasi” m̀mê “ndọ” inyụn̄ idụn̄ọde nsio nsio ufan̄ikọ Bible emi ẹnemede n̄kpọ ẹban̄a mmọ. Ekem imen itien̄wed kiet idomo ye en̄wen, inyụn̄ ikụt se Bible etịn̄de aban̄a utọ ibuotikọ oro, ndien ke usụn̄ emi iyak Bible etịn̄ ikọ idemesie.

N̄wed Nso ke Bible Enen̄ede Ekpep? esin̄wam nnyịn ke ukpepn̄kpọ Bible. N̄wed emi eneme se Bible etịn̄de aban̄a Abasi, Jesus, ini iso nnyịn ye mme ibuot nneme efen.

Ukpepn̄kpọ Bible emi esikpa okụk ifan̄? Ukpepn̄kpọ emi edi ke mfọn, owo inyụn̄ inyamke-nyam n̄wed emi ẹdade ẹkpep enye.

Ukpepn̄kpọ kiet kiet esibighi adan̄a didie? Ediwak owo ẹsisio n̄kpọ nte hour kiet ẹnịm kpukpru urua man ẹda ẹkpep Bible ye nnyịn. Edi ẹkeme ndinịm enye ntiene ini emi afo enyenede.

Nso ke ẹdinam ke ini ndọhọde ẹdikpep mi Bible? Ke ini ọdọhọde edikpep fi Bible, owo kiet ke otu Mme Ntiense Jehovah eyedi ebịne fi ke ini ye ebiet oro afo oyomde. Enye ayada minit ifan̄ owụt nte isinịmde ukpepn̄kpọ nnyịn. Onyụn̄ ama ukpepn̄kpọ oro, emekeme ndika iso.

Edieke ndọhọde ẹdikpep mi Bible, ndi ana n̄kabade ndi owo Ntiense Jehovah? Ihih. Mme Ntiense Jehovah ẹsima ndikpep mme owo Bible, edi nnyịn isinyịkke owo ndomokiet akabade edi owo Ntiense Jehovah. Utu ke oro, nnyịn imesida ukpono inam owo okụt se Bible etịn̄de, sia owo kiet kiet enyene unen ndimek se enye oyomde ndinịm ke akpanikọ.—1 Peter 3:15.

 

Kpep N̄kpọ En̄wen

N̄kpama Ẹdikpep Mi Bible ke Mfọn

Ntak Emi Ekpekpepde Bible?

Bible anam ediwak miliọn owo ke ofụri ererimbot ẹfiọk ibọrọ mbụme emi afịnade ata ediwak owo. Ndi akpama nditiene mfiọk?

N̄kpama Ẹdikpep Mi Bible ke Mfọn

Ẹsikpep Owo Bible Didie?

Mme owo ke ofụri ererimbot ẹdiọn̄ọ ke Mme Ntiense Jehovah ẹsikpep owo Bible ke mfọn. Se nte mmọ ẹsinamde.

Aban̄a Mme Ntiense Jehovah

N̄kpama Ẹdikpep Mi Bible

N̄kpama ẹdikpep mi Bible ke mfọn ke ebiet ye ini eke mmade.