Be ka se isịnede

Be ka udiana n̄kpọ

Mme Ntiense Jehovah

Efịk

Ndi Enyene Ndusụk Fim, N̄wed, M̀mê Ikwọ Emi Ẹdọhọde Mbon Mbufo Ẹkûdep?

Ndi Enyene Ndusụk Fim, N̄wed, M̀mê Ikwọ Emi Ẹdọhọde Mbon Mbufo Ẹkûdep?

Utọ n̄kpọ oro idụhe. Nnyịn inyeneke mbon emi ẹsitiede ẹse fim, ẹkot n̄wed, m̀mê ẹkpan̄ utọn̄ ẹnọ ikwọ man ẹbiere se mbon nnyịn ẹkpedepde. Ntak emi nnyịn mîsinamke utọ n̄kpọ oro?

Bible ọdọhọ yak owo ọnọ “ukeme ufiọkn̄kpọ” esie ukpep man enye ekeme ndifiọk se inende ye se ikwan̄ade.—Mme Hebrew 5:14.

Ikọ Abasi etịn̄ n̄ko mme n̄kpọ emi Christian ekemede ndikere mban̄a ke ini enye oyomde ndidep fim, n̄wed, m̀mê ikwọ. * Nnyịn inam kpukpru emi koro iyom ‘ndika iso ndụn̄ọde mfiọk se Ọbọn̄ enyịmede.’Ephesus 5:10.

Bible ọdọhọ ke ibuot ufọk enyene unen ndibiere n̄kpọ ke ufọk esie, ntre mmọ ẹkeme ndibiere ndusụk n̄wed, ikwọ, m̀mê fim emi mmimọ mîdinyịmeke ke ufọk mmimọ. (1 Corinth 11:3; Ephesus 6:1-4) Ke ẹsiode oro ẹfep, owo idọhọke owo ndomokiet akpan mme owo ke esop ndidep ndusụk n̄wed, ikwọ, m̀mê fim.Galatia 6:5.

^ ikp. eki. 4 Ke uwụtn̄kpọ, Bible ọdọhọ ke n̄kpọ ekededi emi aban̄ade ubụpekpo, oburobụt idan̄, m̀mê afai ifọnke.Deuteronomy 18:10-13; Ephesus 5:3; Colossae 3:8.