Ih. Nnyịn imenịm Jesus ke akpanikọ, enye ọkọdọhọ ete: “Ami ndi usụn̄ ye akpanikọ ye uwem. Baba owo kiet itieneke Ete ibọhọke ebe ke ami.” (John 14:6) Nnyịn imenịm nte ke Jesus ama oto heaven edi isọn̄ edida mfọnmma uwem esie anyan̄a nnyịn. (Matthew 20:28) Enye ndikpa nnyụn̄ nset anam mbon oro ẹbuọtde idem ye enye ẹnyene nsinsi uwem. (John 3:16) Nnyịn imenịm n̄ko ite ke Jesus akara idahaemi ke Obio Ubọn̄ Abasi ke heaven, ukara emi ọmọn̄ onyụn̄ anam emem odu mi ke ofụri isọn̄. (Ediyarade 11:15) Nnyịn imenịm n̄ko se Jesus eketịn̄de ete: “Ete omokpon akan mi.” (John 14:28) Ke ntem nnyịn ituakke ibuot inọ Jesus, sia enye mîdịghe Ata Ọkpọsọn̄ Abasi.