Be ka se isịnede

Ẹsida Okụk ke M̀mọ̀n̄ Ẹnam Utom Mbufo?

Ẹsida Okụk ke M̀mọ̀n̄ Ẹnam Utom Mbufo?

Nnyịn Mme Ntiense Jehovah isinọ enọ imaesịt yak ẹda ẹnam utom nnyịn ke ofụri ererimbot. * Ẹsibon n̄kpri ekebe ke mme itie isisopde idem ikpono Abasi man owo eke amade ẹsịn okụk, ẹnyụn̄ ẹsiak mme usụn̄ en̄wen emi owo ekemede ndinọ enọ imaesịt ke ikpehe emi ẹkotde Enọ Imaesịt, ke jw.org, man owo emi amade ọnọ se enye amade. Owo ekeme ndinọ ẹnọ imaesịt man ida inam utom Abasi ke ofụri ererimbot, ida inam ke idut emi enye odude, m̀mê ke ebiet ekededi.

Mme Ntiense Jehovah isikpehe tithe; owo isinyụn̄ isiakke ibat okụk inọ owo ete etịp. (2 Corinth 9:7) Nnyịn isibọhọ collection m̀mê offering, isidọhọke owo ekpe okụk man ẹsịn enye enyịn̄ nte Ntiense Jehovah, isibọhọ owo okụk inịm owo baptism, ibụk owo, idian owo ndọ, m̀mê ndibọ okụk n̄kpọ en̄wen ekededi emi ufọkabasi ẹsibọde. Nnyịn isinamke edinam m̀mê usọrọ utịp okụk ekededi, nnyịn isiben̄eke mme owo okụk, m̀mê ndinam mbubehe nda nnyene okụk. Owo isisiakke mme anie etịp okụk mme anie mîtịpke. (Matthew 6:2-4) Owo isinyụn̄ idaha ikpehe Intanet nnyịn mme se nnyịn ision̄ode isuan etop n̄kpọurua man inyene okụk.

Kpukpru ọfiọn̄, esop kiet kiet ẹsitịn̄ ibat okụk imaesịt oro mme owo ẹkenọde, ẹtịn se ẹkebiatde, ye se isụhọde ẹnọ kpukpru owo. Ẹsidụn̄ọde ẹse nte ẹkebiatde okụk oro ke esop kiet kiet, man ẹkụt ete ke owo ikabiatke enye ke se mîkpabiatke.—2 Corinth 8:20, 21.

Nte Ẹsinọde Enọ Imaesịt

  • Mme ekebe etịbe: Emekeme ndisịn okụk mîdịghe esịn check ke mme ekebe emi ke Ufọkmbono Obio Ubọn̄, ke Itie Mbono, ye ke mme itie eken emi isibohode ikpono Abasi.

  • Ikpehe Intanet: Ke ediwak idụt, emekeme ndida credit card, debit card, m̀mê ọdọhọ bank ẹsio okụk ke account fo ẹsịn ẹnọ Mme Ntiense Jehovah, mîdịghe ada usụn̄ en̄wen ekededi ọnọ. * Ndusụk Mme Ntiense Jehovah ẹsinọ enọ imaesịt ke ikpehe emi ẹkotde “Nọ Mme Ntiense Jehovah Enọ Imaesịt.” Ndusụk nnyịn imesitie ke idem nnyịn ibiere ibat okụk imaesịt oro idimade ndisinọ kpukpru ọfiọn̄, inyụn̄ ida usụn̄ kiet oro ẹsiakde ke enyọn̄ emi idọhọ ẹsisio okụk emi ke account nnyịn kpukpru ọfiọn̄ ẹsịn ẹnọ Mme Ntiense Jehovah—1 Corinth 16:2.

  • Enọ emi ẹdiomide-diomo: Ọfọn etie odiomi ndusụk usụn̄ emi mme owo ẹsinọde enọ imaesịt. Oro ekeme ndinam etiene adia ufọn tax emi esikpede. N̄kpọ emi an̄wam ediwak owo ẹdidiọn̄ọ nsio nsio ufọn oro mmọ ẹkemede ndidia nto ndinọ n̄kpọ mmọ man ẹda ẹnam n̄kpọ Abasi ke eyo uwem mmọ m̀mê ke mmọ ẹma ẹkekpa. Mbọk kot ọfis Mme Ntiense Jehovah edieke oyomde ndidiọn̄ọ n̄kpọ en̄wen mban̄a ndinọ enọ imaesịt, m̀mê edi eke:

    • bank accounts

    • insurance and retirement plans

    • real estate

    • stocks and bonds

    • wills and trusts

Edieke oyomde ndidiọn̄ọ nsio nsio usụn̄ emi akpadade ọnọ enọ ke idụt emi odude, ka ikpehe emi ẹkotde “Nọ Mme Ntiense Jehovah Enọ Imaesịt” ke jw.org.

^ ikp. 2 Ndusụk mbon emi mîdịghe Mme Ntiense Jehovah ẹsima nditiene nnọ enọ imaesịt man ẹda ẹnam n̄kpọ Abasi.

^ ikp. 7 Mbọk se vidio emi Nte Ẹkemede Ndida jw.org Nnọ Enọ Imaesịt ke oyokụt nte ekemede ndida jw.org nnọ enọ imaesịt.