Be ka se isịnede

Be ka udiana n̄kpọ

Mme Ntiense Jehovah

Efịk

Ẹsida Okụk ke M̀mọ̀n̄ Ẹnam Utom Mbufo?

Ẹsida Okụk ke M̀mọ̀n̄ Ẹnam Utom Mbufo?

Nnyịn Mme Ntiense Jehovah isinọ enọ imaesịt emi ẹdade ẹnam utom nnyịn. Owo isitan̄ke etịbe ke mme mbono esop nnyịn, owo isinyụn̄ idọhọke ẹkpe tithe m̀mê ọyọhọ mbak duop. (Matthew 10:7, 8) Utu ke oro, ẹsibon mme ekebe etịbe ke mme itie mbono esop nnyịn man owo ekededi emi amade esịn se enye amade. Owo isidiọn̄ọke owo emi esịnde etịbe.

Nnyịn isibiatke okụk ntịme ntịme sia nnyịn mînyeneke pastọ emi isikpede okụk ọfiọn̄. Ke adianade do, nnyịn isikpehe ikọt nnyịn okụk ke ndisisan̄a n̄kwọrọ ikọ, isinyụn̄ ibọpke uwouwo itie utuakibuot.

Isida enọ ekededi oro ẹnọde ẹsọk n̄kọk itieutom nnyịn in̄wam mbon oro oto-obot afanikọn̄ ọnọmọde. Imesinyụn̄ ida ise iban̄a mme isụn̄utom oro idọn̄de ẹka nsio nsio idụt ẹkekwọrọ ikọ, mme asan̄autom oro ẹsikade nsio nsio ebiet. Kpa enye ke isida ibọp mme itie utuakibuot nnyịn ke mme idụt emi mîtịmke inyene okụk, ida enye imịn̄ inyụn̄ inọ mme n̄wed Ikọ Abasi nnyịn ẹka nsio nsio ebiet.

Owo kiet kiet esibiere se enye editịpde man ẹda ẹnam n̄kpọ Abasi ke ebiet emi enye odụn̄de ye ke ofụri ererimbot. Esop kiet kiet esinam mbon esop ẹdiọn̄ọ okụk emi ẹbiatde ye se isụhọde.