Nte oyomde okụbọde

Mek usem

Be ka udiana n̄kpọ

Be ka se isịnede

Mme Ntiense Jehovah

Efịk

DECEMBER 9, 2015
UNITED STATES

Mme Ntiense Jehovah Ẹka Anyan ke Utom Edibọp Obufa Ibuot Itieutom Ofụri Ererimbot Mmọ

Mme Ntiense Jehovah Ẹka Anyan ke Utom Edibọp Obufa Ibuot Itieutom Ofụri Ererimbot Mmọ

NEW YORK—Ke August 2015 esịm October 2015, Mme Ntiense Jehovah ẹma ẹka anyan ke utom edibọp obufa ibuot itieutom ofụri ererimbot mmọ ke Warwick ke New York. Owo 3,800 ẹkesidi ẹdinam utom do ke mfọn kpukpru usen.

Ẹkesida bọs 40 ẹtan̄ n̄kpọ nte owo 3,800 oro ẹkesidide ẹdinam utom do ke usen ke usen ke August esịm October.

Mbonutom oro ẹkesitie ke n̄kpọ nte ubet udia itiaita ẹdia n̄kpọ ke ini utom oro.

Ọtọn̄ọde ke July 2013 emi mmọ ẹketọn̄ọde utom emi, Mme Ntiense Jehovah emi ẹwakde ẹbe 18,000 ẹsito nsio nsio itie ke America ẹka ẹkenam utom do, esịnede itie nte Alaska ye Hawaii. N̄kpọ nte owo 400 esịm 500 ẹsika ẹken̄wam ke utom do kpukpru urua. Edi ke August 2015 esịm October 2015, mbon emi ẹkekade ama ebe 700. Ata ediwak ke otu emi ẹma ẹsidu do n̄kpọ nte urua kiet esịm ọfiọn̄ kiet ẹnam utom.

Richard Devine emi edide etieibuot okpokoro kọmiti emi ẹsede ẹban̄a utom oro ọdọhọ ete: “Edieke owo mînamke n̄kpọ ke nde ke nde, mme owo ẹkeme ndinyahade ntre ke itieutom emi sia mbonutom ẹsiwak etieti kpukpru usen. Edi man kpukpru n̄kpọ asan̄a ke nde ke nde, ima idọhọ n̄kpọ nte owo 400 ẹtre utom uwemeyo edi ẹsinam ọtọn̄ọde ke n̄kanika ita uwemeyo esim iba okoneyo.” Ẹketọn̄ọ utom okoneyo emi ke May esịm September.

Ẹsio ndise obufa ibuot itieutom Mme Ntiense Jehovah emi mbubreyo.

Kọmiti emi ẹsede ẹban̄a utom emi ẹdọhọ ke ẹmọn̄ ẹkụre ufọkidụn̄ iba ke January 2016, ke nnennen ini emi ẹkeduakde ndibọp mma. Mr. Devine ọdọhọ ke ẹsọp ubọk utom emi ẹkan nte ẹkekerede, ke ẹyekụre utom emi ọfiọn̄ inan̄ mbemiso ini emi ẹkpekụrede. Etisịm September 1, 2016, ẹyekụre ufọkidụn̄ emi ẹsụhọde, ẹkụre ọfis, ye mme itie udiọn̄ n̄kpọ.

Ẹda ke enyọn̄ ẹsio ndise emi.

Media Contact(s):

International: J. R. Brown, Office of Public Information, tel. +1 718 560 5000