Nte oyomde okụbọde

Mek usem

Be ka udiana n̄kpọ

Be ka se isịnede

Mme Ntiense Jehovah

Efịk

AUGUST 15, 2012
MBỤK OFỤRI ERERIMBOT

Ẹnam Ikpehe Intanet Nnyịn Amana Ọfọn

Ẹnam Ikpehe Intanet Nnyịn Amana Ọfọn

Ke ọfiọn̄ ifan̄ emi ẹbede, Mme Ntiense Jehovah 40 ẹnam utom ye Itieutom Uwet Ndise ye Itieutom Uwetn̄wed man ẹnam www.jw.org enen̄ede eye onyụn̄ emem utom ndika ebiet ekededi ke ikpehe emi edieke akamade kọmpụta m̀mê n̄kpọ efen emi ekemede ndida ndụk Intanet. Ke adianade do, ẹnyene ntak iba efen emi anamde ẹkpụhọde n̄kpọ ke ikpehe Intanet emi.

1. Man inyene ikpehe Intanet kiet kpọt. Ẹmọn̄ ẹtọ ikpehe Intanet Mme Ntiense ita ẹdọn̄ kiet, idinyene www.jw.org kpọt. Iba eken emi ẹdide www.watchtower.org ye www.jw-media.org ididụhe aba. Emi ayanam mbon oro ẹyomde ntọt ẹban̄a Mme Ntiense ẹka ikpehe Intanet kiet kpọt. Ke uwụtn̄kpọ, afo emekeme ndikụt n̄kpọ, akpan̄ utọn̄ okop n̄kpọ mîdịghe emịn̄ Bible ye mme n̄wed Bible ke ediwak usem.

2. Man esịn n̄kpọ. Ke obufa ikpehe Intanet emi, mbio mbio ibọrọ ke mme mbụme Bible ẹdu. Ẹsịn ntọt ẹban̄ade utom ukwọrọikọ Mme Ntiense Jehovah, mme n̄kọk itieutom, mme Ufọkmbono Obio Ubọn̄, ye mme mbono district. Ikpehe emi ẹkotde “Mbụk” etịn̄ n̄kpọ aban̄a se itịbede inọ Mme Ntiense ke ofụri ererimbot. Ikpehe eke mme ubon, mme uyen, ye nditọwọn̄ ẹdu n̄ko.

Ke usen kiet, ediwak tọsịn owo ẹsikot n̄wed Mme Ntiense ke Intanet ke usem 430. Mmọ ẹsision̄ọ n̄kpọ oro ẹkopde uyo uyo, EPUB, PDF, m̀mê vidio usem idiọn̄ọ, n̄kpọ tọsịn ikie ition. Kpukpru usen, owo ikie ẹsidọhọ ẹdikpep Bible ye mmimọ.