Nte oyomde okụbọde

Mek usem

Be ka udiana n̄kpọ

Be ka se isịnede

Mme Ntiense Jehovah

Efịk

NOVEMBER 1, 2012
AUSTRIA

Ẹdọhọ Ukara Austria Ẹkpe Isop Ẹnọ Mme Ntiense Jehovah ke Ntak Asari

Ẹdọhọ Ukara Austria Ẹkpe Isop Ẹnọ Mme Ntiense Jehovah ke Ntak Asari

STRASBOURG, France—Ke September 25, 2012, Esopikpe Europe Oro Esede Aban̄a Unen Owo ama ebiere ke ukara Austria ẹma ẹsari Mme Ntiense Jehovah onyụn̄ ọdọhọ ukara oro ẹkpe se ikperede euro 13,000 (n̄kpọ nte $16,600) emi edide ₦2,573,000.00 nte okụk emi Mme Ntiense ẹkebiatde ke ikpe ye mme n̄kpọ ẹken.

Ke 2002, ukara Austria ẹma ẹsịn ndinọ Mme Ntiense Jehovah iba n̄wed oro ọnọde owo unen ndidụn̄ ke esenidụt. Mmọ ẹketo Philippi ẹyom ndikanam utom ukwọrọikọ ye Mme Ntiense oro ẹsemde usem Tagalog ke Austria. Ke idaha efen, ukara oro ẹma ẹdọhọ Mme Ntiense ẹkpe tax ke etịbe imaesịt oro ido ukpono mmọ ẹkebọde ke 1999. Ukara ẹkenam n̄kpọ emi sia mmọ ẹkesụhọrede Mme Ntiense Jehovah itie ẹda mmọ nte “ido ukpono obio” utu ke ndida mmọ nte “n̄ka ido ukpono.” Emi ama anam owo inọhọ Mme Ntiense ndusụk unen oro ẹnọde mme ido ukpono eken oro ẹma ẹkedodu ke anyan ini.

Ọyọhọ ikpe itiokiet oro Mme Ntiense Jehovah ẹkande ukara Austria edi emi, oro owụt ke se ẹkebierede ke 2008 ama enen. Ke akpa ubiereikpe oro, Esopikpe oro ama ebiere ete ke ikpakanaha “ẹbiat ini” ndida Mme Ntiense nte “n̄ka ido ukpono” sia edide ido ukpono mmọ “ododu ke ata anyan ini ke nsio nsio itie ke ererimbot” onyụn̄ odu n̄ko “ke anyan ini” ke Austria.

Mme Ntiense ẹnịm ẹte ke edikan emi Esopikpe Europe ọnọde mmọ ndondo emi ayanam mmọ ẹka iso ẹnyene ifụre oro akpanade mmọ ẹnyene onyụn̄ anam asari ido ukpono etre, ndien emi ididịghe ke ufọn Mme Ntiense kpọt, edi edidi ke ufọn kpukpru owo ke mme idụt N̄ka Europe.

Mbon Oro Ekemede Ndikot:

J. R. Brown, Ọfis Usuanetop, tel. +1 718 560 5000

Austria: Johann Zimmermann, tel. +43 1 804 53 45