Dzo kpo yi emenuwo dzi

Dzo kpo yi emenu bubu dzi

Yehowa Ɖasefowo

Eʋegbe

Protestanttɔwoe Yehowa Ðasefowo Nyea?

Protestanttɔwoe Yehowa Ðasefowo Nyea?

Ao. Kristotɔwoe Yehowa Ðasefowo nye, gake míebua mía ɖokuiwo Protestanttɔwoe o. Nu ka tae?

Woɖɔ Protestanttɔwo be “wonye subɔsubɔha si tsi tsitre ɖe Roma Katolikoha ŋu.” Togbɔ be Yehowa Ðasefowo medaa asi ɖe Katolikoha ƒe nufiafiawo dzi o hã la, mímebua mía ɖokuiwo Protestanttɔwo o le susu siwo gbɔna ta:

  1. Protestanttɔwo ƒe nufiafia aɖewo mewɔ ɖeka kple Biblia ƒe nufiafiawo o. Le kpɔɖeŋu me, Biblia gblɔ be “Mawu ɖeka” ye li, menye Trinita alo Mawuɖekaetɔ̃e wònye o. (1 Timoteo 2:5; Yohanes 14:28) Eye Biblia gblɔ kɔtɛe be Mawu atsrɔ̃ ame vɔ̃ɖiwo, ke menye be awɔ fu wo le dzo mavɔ me tegbee o.1 Timoteo 2:5; Yohanes 14:28.

  2. Míetsia tsitre ɖe Katolikoha alo subɔsubɔha bubuwo ŋu loo alo dzea agbagba be míana woatrɔ asi le woƒe nufiafiawo ŋu o. Ke boŋ míeɖea gbeƒã Mawu Fiaɖuƒe ŋuti nya nyuia na amewo hekpena ɖe wo ŋu be woaxɔ nya nyui ma dzi ase. (Mateo 24:14; 28:19, 20) Nu si le vevie na míe nye be míafia nyateƒe si ku ɖe Mawu kple eƒe Nya, Biblia la ŋu dzianukwaretɔwo, ke menye be míana subɔsubɔha bubuwo natrɔ woƒe nufiafiawo o.Kolosetɔwo 1:9, 10; 2 Timoteo 2:24, 25.