Dzo kpo yi emenuwo dzi

Dzo kpo yi emenu bubu dzi

Yehowa Ɖasefowo

Eʋegbe

Nu Kae Nye Yehowa Ðasefowo Ƒe Dɔdzikpɔha?

Nu Kae Nye Yehowa Ðasefowo Ƒe Dɔdzikpɔha?

Dɔdzikpɔha nye Kristotɔ tsitsi kpɔnuteƒe ƒe ƒuƒoƒo sue aɖe si naa mɔfiame Yehowa Ðasefowo le xexea me godoo. Woƒe dɔa le akpa eve me:

  • Wokpɔa Biblia me mɔfiame siwo wonana to agbalẽwo, videowo kple odiowo, kpekpewo kple Yehowa Ðasefowo ƒe suku vovovoawo dzi la ƒe ɖoɖoa dzi.Luka 12:42.

  • Wokpɔa Yehowa Ðasefowo ƒe dɔa dzi le xexea me godoo: wonaa mɔfiame ku ɖe gbeƒãɖeɖedɔa ŋu eye wowɔa ɖoɖo ɖe ga alo nu bubu siwo amewo dzɔna na habɔbɔa la zazã ŋu.

Dɔdzikpɔhaa zɔna ɖe kpɔɖeŋu si ‘apostoloawo kple hamemetsitsi’ siwo nɔ Yerusalem le ƒe alafa gbãtɔ me ɖo ɖi la dzi. Ŋutsu mawoe tsoa nya me le nya veviwo ŋu ɖe Kristo-hame blibo la nu. (Dɔwɔwɔwo 15:2) Abe ale si wònɔ le ŋutsu wɔnuteƒe mawo gome ene la, Dɔdzikpɔhaa me tɔwo menye míaƒe habɔbɔa ƒe kplɔlawo o. Wodia mɔfiame le Biblia me, eye wolɔ̃ ɖe edzi be Yesu Kristo ye Yehowa Mawu ɖo hamea ƒe Ta.1 Korintotɔwo 11:3; Efesotɔwo 5:23.

Ame kawoe nye Dɔdzikpɔhaa me tɔwo?

Dɔdzikpɔhaa me tɔ siwo li le March 2016 me la woe nye: Samuel Herd, Geoffrey Jackson, Stephen Lett, Gerrit Lösch, Anthony Morris III, Mark Sanderson, kple David Splane. Wosubɔna le míaƒe Dɔwɔƒegã le Brooklyn le New York le Amerika.

Ðoɖo ka nue Dɔdzikpɔhaa le?

Dɔdzikpɔhaa ɖo kɔmiti ade siwo kpɔa dɔa ƒe akpa vovovowo dzi, eye Dɔdzikpɔha me tɔ ɖe sia ɖe nɔa kɔmiti ɖeka alo esi wu ema me.

  • Ðoɖowo Gbɔ Kpɔlawo Ƒe Kɔmiti: Kɔmiti sia kpɔa senyawo gbɔ, ekpɔa kpekpeɖeŋunana le dzɔdzɔmefɔkuwo me kple nya siwo ku ɖe hamea me tɔwo yome titi le woƒe dzixɔsewo ta ŋu kpakple nudzɔdzɔ kpata bubu siwo ku ɖe Yehowa Ðasefowo ŋu la gbɔ.

  • Dɔwɔlawo Ƒe Kɔmiti: Kɔmiti sia kpɔa Betel-ƒomea me tɔwo ƒe nyawo gbɔ.

  • Agbalẽtata Kɔmiti: Kɔmiti sia kpɔa Biblia-srɔ̃gbalẽwo tata kple wo ɖoɖo ɖe teƒeteƒewo dzi, eya kee kpɔa kpekpewɔƒewo, gbegɔmeɖeƒewo kple alɔdzedɔwɔƒewo tutu ƒe ɖoɖowo hã dzi.

  • Subɔsubɔ Kɔmiti: Kɔmiti sia kpɔa míaƒe “Fiaɖuƒe ŋuti nya nyui” gbɔgblɔ dɔa dzi.Mateo 24:14.

  • Nufiafia Kɔmiti: Kɔmiti sia kpɔa Biblia me mɔfiame siwo wonana to kpekpewo, sukuwo, video kple odiowo dzi la ƒe ɖoɖoa dzi.

  • Agbalẽŋɔŋlɔ Kɔmiti: Kɔmiti sia kpɔa Biblia me mɔfiame siwo wonana to agbalẽ tatawo kple nyatakakadzraɖoƒea dzi la ƒe ɖoɖoa dzi, eya kee kpɔa gbegɔmeɖedɔwo hã dzi.

Tsɔ kpe ɖe dɔ vovovo siwo Dɔdzikpɔhaa me tɔwo wɔna le kɔmiti siawo me ŋu la, wokpena kwasiɖa sia kwasiɖa dzroa habɔbɔa ƒe nuhiahiãwo me. Le kpekpe siawo me la, wodzroa Ŋɔŋlɔawo me eye woɖea mɔ Mawu ƒe gbɔgbɔ kɔkɔea fiaa mɔ wo, eye wodzea agbagba be yewoƒe nu nasɔ le nyametsotsoawo me.Dɔwɔwɔwo 15:25.

Ame kawoe nye Dɔdzikpɔha ƒe kpeɖeŋutɔwo?

Ame siawo nye Kristotɔ anukwareɖila siwo kpea asi ɖe Dɔdzikpɔha ƒe kɔmitiawo ŋu. (1 Korintotɔwo 4:2) Ŋutete kple nuteƒekpɔkpɔ su wo si ku ɖe dɔ si dzi woƒe kɔmitia kpɔna la ŋu, eye wodea kpekpe si woƒe kɔmitia wɔna kwasiɖa sia kwasiɖa la. Togbɔ be kpeɖeŋutɔ siawo mekpɔa gome le nyametsotsowo me o hã la, woɖoa aɖaŋu nyuiwo henaa nyatakaka veviwo ku ɖe numedzodzroawo ŋu, wowɔna ɖe kɔmitia ƒe nyametsotsowo dzi, eye woléa ŋku ɖe nyametsotsoawo me tsonuwo kple ale si nuwo le afɔ tsɔmee la ŋu. Dɔdzikpɔhaa tea ŋu dea dɔ wo si hã be woayi aɖakpɔ mía nɔviwo ɖa le xexea ƒe teƒe vovovowo alo be woakpɔ gome le wɔna tɔxɛwo abe ƒe sia ƒe takpekpewo kple Gilead Suku nuwuwu wɔnawo ene me.

KPEÐEŊUTƆWO ƑE ŊKƆWO

Kɔmiti

Ŋkɔ

Ðoɖowo Gbɔ Kpɔlawo

  • Ekrann, John

  • Wallen, Robert

 

Dɔwɔlawo

  • Grizzle, Gerald

  • LaFranca, Patrick

  • Molchan, Daniel

  • Walls, Ralph

 

Agbalẽtata

  • Adams, Don

  • Butler, Robert

  • Corkern, Harold

  • Gordon, Donald

  • Luccioni, Robert

  • Reinmueller, Alex

  • Sinclair, David

 

Subɔsubɔ

  • Breaux, Gary

  • Dellinger, Joel

  • Hyatt, Seth

  • Mavor, Christopher

  • Perla, Baltasar, Jr.

  • Turner, William, Jr.

  • Wallen, Robert

  • Weaver, Leon, Jr.

 

Nufiafia

  • Curzan, Ronald

  • Flodin, Kenneth

  • Malenfant, William

  • Noumair, Mark

  • Schafer, David

 

Agbalẽŋɔŋlɔ

  • Ciranko, Robert

  • Mantz, James

  • Marais, Izak

  • Smalley, Gene