Dzo kpo yi emenuwo dzi

Axawo Le Ʋɛe Wu, Gake Gbegbɔgblɔawo Sɔ Gbɔ Ðe Edzi

Axawo Le Ʋɛe Wu, Gake Gbegbɔgblɔawo Sɔ Gbɔ Ðe Edzi

Tso January 2013 me la, Nyɔ! kple Gbetakpɔxɔ si míemana maganye axa 32 o, woazu axa 16 ko.

Esi wònye magazineawo me nyawo magasɔ gbɔ o ta la, gbegɔmeɖeɖe ƒe ƒuƒoƒo geɖe wu ate ŋu aɖe wo gɔme woanɔ gbegbɔgblɔ geɖe me wu tsã. Le kpɔɖeŋu me, wota December 2012 ƒe Nyɔ! ɖe gbegbɔgblɔ 84 me eye wota December 2012 ƒe Gbetakpɔxɔ ɖe gbegbɔgblɔ 195 me. Gake gbegbɔgblɔ 98 sɔŋ mee woaɖe January 2013 ƒe Nyɔ! gɔme ɖo eye woaɖe Gbetakpɔxɔ hã gɔme ɖe gbegbɔgblɔ 204 me.

Gbetakpɔxɔ ƒe tata si míesrɔ̃na ya akpɔtɔ anye axa 32.

Agbalẽ Tatawo Ƒe Axawo Anɔ Ʋɛe​—Gake Geɖe Ayi Internet Dzi

Míaƒe magazinewo ƒe axawo dzi ɖeɖe kpɔtɔ akpɔ ŋusẽ ɖe míaƒe nyatakakadzraɖoƒe www.jw.org dzi le mɔ eve nu.

  1. Nyati siwo dzena le magazineawo me dometɔ aɖewo anɔ dzedzem le internet ɖeɖe ko dzi. Nyati siawo dometɔ aɖewoe nye “Na Ðeviwo,” “Nye Biblia Nusɔsrɔ̃wo,” kple Gilead Sukunuwuwɔnawo ŋuti nyatakaka siwo dzena le Gbetakpɔxɔ si míemana me. Nenema ke nyati siwo nye “Ƒomea Nadzro Eme” kple “Sɔhɛwo Biana Be” siwo dzena le Nyɔ! me la anɔ dzedzem le internet ɖeɖe ko dzi.

  2. Gbetakpɔxɔ kple Nyɔ! anɔ fɔmat yeye geɖewo me. Ƒe geɖee nye esia míedaa Gbetakpɔxɔ kple Nyɔ! ƒe PDF ɖe www.jw.org dzi. Fifia míetea ŋu wɔa magazine siawo ɖe HTML fɔmatwo me, eye esia wɔe be wo ʋuʋu kple wo xexlẽ le kɔmpiuta kple asikɔmpiuta dzi va le bɔbɔe, eye magazine siawo le gbegbɔgblɔ siwo ade 400 me.