Dzo kpo yi emenuwo dzi

DECEMBER (DZOME) 21, 2015
AZERBAIJAN

Ʋɔnudrɔ̃laa Gli Aƒenɔ Irina Zakharchenko Kple Aƒenɔ Valida Jabrayilova Ƒe Nya Da Ðe Ŋkeke Bubu Dzi Hegbugbɔ Wo Ðo Ðe Gaxɔ Me

Ʋɔnudrɔ̃laa Gli Aƒenɔ Irina Zakharchenko Kple Aƒenɔ Valida Jabrayilova Ƒe Nya Da Ðe Ŋkeke Bubu Dzi Hegbugbɔ Wo Ðo Ðe Gaxɔ Me

Le December (Dzome) 17, 2015, si nye nyadɔdrɔ̃a ƒe ŋkeke gbãtɔ dzi la, Ʋɔnudrɔ̃la Akram Gahramanov si le aƒenɔ Irina Zakharchenko kple aƒenɔ Valida Jabrayilova ƒe nya la drɔ̃m le Pirallahi Nutomeʋɔnudrɔ̃ƒea le Baku le Azerbaijan gbe be womegaɖe asi le nyɔnu siawo ŋu o. Ʋɔnudrɔ̃laa do toku Dukɔ Ƒoƒuawo ƒe biabia be Azerbaijan dziɖuɖua naɖe asi le aƒenɔ Zakharchenko ŋu le eƒe lãmegbegblẽ ta la hã. Eda nyadɔdrɔ̃a dzi yiyi ɖe January (Dzove) 7, 2016 dzi eye wòɖo zi te.

Wogbugbɔ kplɔ aƒenɔ Zakharchenko kple aƒenɔ Jabrayilova yi gaxɔ me. Nya la teƒe kpɔlawo gblɔ be ale si nyɔnu eve siawo nɔ gaxɔ me ɣleti ewo sɔŋ na be lãme megale wo si o, eye nu te ɖe wo dzi hã. Aƒenɔ Zakharchenko koŋ ya ɖi ku, ɖeɖi te eŋu eye wògbɔdzɔ.