Dzo kpo yi emenuwo dzi

DECEMBER (DZOME) 7, 2015
UNITED STATES (ÉTATS-UNIS)

Ðasefowo Te Woƒe Teƒe Siwo Le Brooklyn Dzadzra

Ðasefowo Te Woƒe Teƒe Siwo Le Brooklyn Dzadzra

NEW YORK—Yehowa Ðasefowo le woƒe teƒe siwo le Dumbo kple Brooklyn Heights si le Brooklyn le New York, siwo amewo le mɔ kpɔm na vevie be yewoaƒle la dzram. Asiƒoƒo ƒe wɔnawo dze egɔme ku ɖe teƒe si nye 85 Jay Street si nye Brooklyn ƒe akpa gãtɔ siwo dzi womewɔ dɔ ɖo o la dometɔ ɖeka kple mlɔƒe si nye dziƒoxɔ dzisasrã-ewo si le 124 Columbia Heights la ŋu. Wole afi si woƒe dɔwɔƒegã le fifia si nye 25/30 Columbia Heights la hã dzram. Gbetakpɔxɔ Habɔbɔa Ƒe Nunɔamesiwo Dzadzra Ƒe Dɔwɔƒee le teƒe etɔ̃ siawo dzadzra ƒe ɖoɖoa dzi kpɔm, eye wokpɔ mɔ be adzra wo vovovo.

Richard Devine, si nye Yehowa Ðasefowo ƒe nyanuɖela aɖe, gblɔ tso anyigba si ƒe kekeme nye meta 12,500 togodo si le 85 Jay Street ŋu be: “Teƒea xɔ Dumbo-nutoa ƒe akpa gã aɖe eye teƒe si woxɔ mɔɖeɖe be woate ŋu awɔ dɔ ɖo la keke meta 93,000 togodo kloe.”

Teƒe si nye 85 Jay Street la le Manhattan Ana gbɔ le Dumbo-nuto si me amewo sɔa gbɔ ɖo fũu.

Ðasefowo ƒe mlɔƒe aɖe le teƒe si keke meta 14,000 togodo le 124 Columbia Heights si le afi si amewo ɖia tsa le le Brooklyn Heights nuto ɖedzesi la me. Aƒetɔ Devine gblɔ be: “Enye xɔ ɖedzesi aɖe, eye ne wole Brooklyn Ana dzi, Ablɔɖe Ƒe Kpetata kple Anyigbe Manhattan kpɔe la, enya kpɔna ŋutɔ.”

Xɔ si nye 124 Columbia Heights le Brooklyn Heights nuto ɖedzesi la me.

Yehowa Ðasefowo ƒe dɔwɔƒegã la le 25/30 Columbia Heights (foto etametɔ) ƒe geɖee nye esia, eye New York dua me tɔ geɖewo nyae nyuie le Gbetakpɔxɔ ƒe dzesi ɖedzesi la kple gaƒoɖokui si le afi ma la ta. Xɔ sia xɔ teƒe si keke wu meta 68,000 togodo la xɔ dua ƒe xɔ tsrala eve kloe xɔƒe, eye ame siwo le Brooklyn Ana dzi la tea ŋu kpɔnɛ nyuie.

Aƒetɔ Devine gblɔ tso taɖodzinu vevitɔ si le Ðasefoawo si ŋu be, “Teƒe siawo dzadzra nye ɖoɖo si míewɔ be míaɖe míaƒe dɔwɔƒegã la ayi Warwick le New York ƒe akpa aɖe ko.”

Ne èdi nyatakaka bubuwo tso xɔ siawo dzadzra ŋu la, yi míaƒe nyatakakadzraɖoƒe si nye www.WatchtowerBrooklynRealEstate.com. Gbebiamewo kple fotowo li, eye àte ŋu abia woƒe hahokadodo ƒe dɔwɔƒe si nye Office of Public Information la woana wò.

Woƒe Kadodowo:

David A. Semonian, Office of Public Information, tel. +1 718 560 5000