Dzo kpo yi emenuwo dzi

MAY 22, 2015
MEXICO

Yehowa Ðasefowo Kpɔ Gome Le Agbalẽɖeɖefia Gãtɔ Kekeake Si Wowɔ Le Spania-dukɔ Aɖe Me Kpɔ La Me

Yehowa Ðasefowo Kpɔ Gome Le Agbalẽɖeɖefia Gãtɔ Kekeake Si Wowɔ Le Spania-dukɔ Aɖe Me Kpɔ La Me

MEXICO CITY​—Wokpe Yehowa Ðasefowo be woava kpɔ gome le Guadalajara Ƒe Dukɔwo Dome Agbalẽɖeɖefia, si nye agbalẽɖeɖefia gãtɔ kekeake si wowɔ le Spania-dukɔ aɖe me kpɔ la me. Le xexea me godoo la, esiae nye agbalẽɖeɖefia gãtɔ evelia si wowɔ kpɔ, eye Frankfurt Agbalẽɖeɖefia si wowɔ le Germany lae nye gãtɔ kekeake. Wɔnaa yi edzi le Guadalajara le Mexico tso November 28 va se ɖe December 6, 2014 dzi eye ame siwo ɖi tsa va wɔnaa teƒe la wu 760,000.

Woma agbalẽ si nye Nya Siwo Sɔhɛwo Biana​—Ŋuɖoɖo Siwo Wɔa Dɔ ƒe babla eveawo ƒe agbɔsɔsɔme si nye 4,000 kple edzivɔ.

Wokpe agbalẽtaƒe 1,900 aɖewo tso dukɔ 44 me be woava kpɔ gome le wɔna sia me, eye Yehowa Ðasefowo hã le wo dome. Ðasefoawo ɖo Biblia kple Biblia-srɔ̃gbalẽwo ɖe agbadɔ aɖe me. Biblia-srɔ̃gbalẽ siawo ku ɖe ƒomewo, sɔhɛwo kple ɖeviwo ƒe hiahiã aɖewo koŋ ŋu.

Aƒetɔ Gamaliel Camarillo, si nye Yehowa Ðasefowo ƒe nyanuɖela le Mexico, gblɔ be: “Le ŋkeke ene siwo míeɖo agbalẽwo ɖe agbadɔ sia me me la, ame siwo wu 10,000 sɔŋue va míaƒe agbadɔa me eye míena agbalẽ 29,000 kloe wo gamaxɔmaxɔe. Gake taɖodzinu si le mía si yi ŋgɔ wu agbalẽwo mama ko. Wotrɔ asi le míaƒe agbalẽwo ŋu be woana amewo nakpɔ ale si Biblia ƒe aɖaŋuɖoɖowo ɖea vi na ame miliɔn geɖewo gbe sia gbe la.”

Woƒe Kadodowo:

Xexea Me Godoo: J. R. Brown, Office of Public Information, tel. +1 718 560 5000

Mexico: Gamaliel Camarillo, tel. +52 555 133 3048