Dzo kpo yi emenuwo dzi

Dzo kpo yi emenu bubu dzi

Yehowa Ɖasefowo

Eʋegbe

NOVEMBER 26, 2014
JAPAN

Ðasefowo Na Kpekpeɖeŋu Ame Siwo Ŋu Ba Siwo Dudu Le Towo Dzi Gblẽ Nu Le Le Hiroshima

Ðasefowo Na Kpekpeɖeŋu Ame Siwo Ŋu Ba Siwo Dudu Le Towo Dzi Gblẽ Nu Le Le Hiroshima

EBINA, Japan—Tsi gã aɖe si dza le Hiroshima le August 20, 2014 dzi la na be ba dudu tso towo dzi va wu ame 74 eye ame 1,600 ʋu le woƒe aƒewo me le August 20, 2014 ƒe ŋdi. Yehowa Ðasefowo ƒe alɔdzedɔwɔƒe si le Japan ka nya ta be Ðasefo aɖeke meku o eye nu vevi mewɔ ɖeke hã o. Ke hã Ðasefowo ƒe aƒe enyi dome gblẽ.

Xɔ aɖe si dome gblẽ le Hiroshima.

Esi tsi si ƒe titrime ade milimeta 218 dza gaƒoƒo etɔ̃ pɛ ko la, egblẽ nu geɖe eye esia na be dziɖuɖua de ameɖeɖedɔ aɖe to me. Enumake Yehowa Ðasefowo ƒe alɔdzedɔwɔƒe si le Japan ɖo kpekpeɖeŋunakɔmiti aɖe anyi eye Ðasefowo ƒe lɔlɔ̃nu faa dɔwɔlawo na kpekpeɖeŋu le teƒea dzadzra ɖo me. Dɔa wɔlawo ɖo le akasa nu nɔ gbeɖuɖɔawo kple kewo lɔm. Lɔlɔ̃nu faa dɔwɔlawo wu dɔlékuiwutikewo ɖe teƒe siwo wodzra aƒemenuwo ɖo.

Ðasefowo le bawo lɔm le xɔwo me.

Dukɔa ƒe nyadzɔdzɔgbalẽ si nye Yomiuri Shimbun ƒo nu tso agbagba si Yehowa Ðasefo aɖe si tsi agbe le dzɔdzɔmefɔku sia me dze la ŋu. Nyadzɔdzɔgbalẽa gblɔ be esi Kayoko Nakamizo, si le Asaminami le Yagi-nuto me dze agbagba te ŋu si le eƒe aƒe me la, “eƒo eƒe aƒelikawo ƒe ʋɔtru ɖe sia ɖe be yeakpɔ ɖa be wole dedie mahã.” Esia wɔe be Kayoko te ŋu ɖe eƒe aƒelika aɖe ƒe agbe eye wòkpe ɖe amewo ŋu wodzo le afɔkuteƒea.

Ichiki Matsunaga, si nye Yehowa Ðasefowo ƒe nyanuɖela le Japan, gblɔ be: “Míese veve ɖe ame siwo ŋu baawo gblẽ nu le la nu. Togbɔ be nɔnɔmeawo sesẽ hã la, dzi le mía ƒo míele kpekpeɖeŋu siwo hiã la nam mía haviwo hele akɔ fam na wo.”

Woƒe Kadodowo:

Xexea Me Godoo: J. R. Brown, Office of Public Information, tel. +1 718 560 5000

Japan: Ichiki Matsunaga, tel. +81 46 233 0005