Le October 31, 2014 ƒe ŋdi me la, bɔs aɖe si kɔ Yehowa Ðasefo 57 siwo tsɔ wo ɖokuiwo na faa yi ɖafia Biblia amewo le Las Flores Lempira va dze afɔku le San Carlos Choloma mɔ dzi. Ʋukula si kɔ wo kple Yehowa Ðasefo wuietɔ̃ ku le afɔku sia me. Ame siwo ku la dometɔ aɖewoe nye nyɔnuvi aɖe si xɔ ƒe wuiene kple nyɔnuvi bubu si xɔ ƒe enyi. Wokplɔ Ðasefo 44 siwo tsi agbe la yi kɔdzi be woakpɔ wo gbɔ. Wo dometɔ eve koe xɔ abi vevie wòhiã be woawɔ dɔ na wo, eye woɖe asi le wo ŋu hã vɔ. Woƒe haxɔsetɔwo le akɔ fam na wo eye wonaa kpekpeɖeŋu bubu siwo hiã hã wo. Le November 1, 2014 dzi la, woɖi ame asieke gbãtɔwo le Choloma. Ame 3,000 aɖewoe yi kua teƒe.

Aƒetɔ José Castillo, si nye Yehowa Ðasefowo ƒe nyanuɖela le Honduras, gblɔ be: “Míekpɔ ŋudzedze ɖe kpekpeɖeŋu gbogbo siwo nutoa me tɔwo kple habɔbɔ vovovowo na ame siwo dzi afɔkua dzɔ ɖo la ŋu.”

Woƒe Kadodowo:

Xexea Me Godoo: J. R. Brown, Office of Public Information, tel. +1 718 560 5000

Honduras: José Castillo Adriano, tel. +504 9998 0895

Mexico: Gamaliel Camarillo, tel. +52 555 133 3048