Agbalẽ, odio kple video alafa geɖewo le jw.org ƒe akpa si nye AGBALẼWO. Ne èdi be yeake ɖe agbalẽ aɖe ŋu bɔbɔe la, zɔ ɖe mɔfiame siwo gbɔna la dzi.

  • Ale si nàdi agbalẽ aɖe ƒe tanya aɖe koŋ

  • Ale si nàdi magazine aɖe koŋ

  • Ale si nàwɔ akpɔ fɔmat siwo me agbalẽawo le

  • Ale Si Nàdi Agbalẽ Aɖe Me Nya Aɖewo Koŋ

Ale Si Nàdi Agbalẽ Aɖe Ƒe Tanya Aɖe Koŋ

Ne ènya agbalẽ aɖe ƒe tanya alo tanyaa ƒe akpa aɖe la, zã mɔnu siwo gbɔna be nàke ɖe eŋu kaba.

Yi AGBALẼWO > AGBALẼWO KPLE AGBALẼ GBADZAWO.

  • Zi aɖakavi si me woŋlɔ ɖo be Wo Katã dzi eye nàŋlɔ nya siwo dze le agbalẽ si dim nèle la ƒe tanya me la dometɔ aɖewo. Le kpɔɖeŋu me, ne èle Biblia ƒe Nufiafia gbalẽa dim la, ŋlɔ “nufiafia.” Agbalẽ siwo ƒe tanya me “nufiafia” dze le koe adze. Tia agbalẽ si dim nèle la ƒe tanyaa.

  • Zi Dii dzi.

Ale Si Nàdi Magazine Aɖe Koŋ

Yi AGBALẼWO > MAGAZINEWO.

Ne èʋu axa sia la, nu gbãtɔ siwo dzena la woe nye Nyɔ! yeyetɔ ene kple Gbetakpɔxɔ si míemana yeyetɔ ene kple Gbetakpɔxɔ si míesrɔ̃na kple Gbetakpɔxɔ si gɔme sese le bɔbɔe wu enyi. (Magazine siawo dometɔ aɖewo mele gbe aɖewo me o.) Ne èdi be yeake ɖe magazine aɖe koŋ ŋu la, wɔ nu siwo gbɔna:

  • Tia magazine si ƒomevi wònye kple ƒe si me tɔ wònye le aɖakavi siwo me woŋlɔ ɖo be Magazinewo Katã kple Yeyetɔwo la me.

  • Zi Dii dzi.

Ale Si Nàwɔ Akpɔ Fɔmat Siwo Me Agbalẽawo Le

Mɔ vovovo evee li siwo nu nàte ŋu atiae be agbalẽwo nadze le. Àte ŋu atiae be wonedze le akasa nu alo wo nɔewo te le dzesi si gbɔ woŋlɔ ɖo be Dzedzeme la gbɔ.

Ne èzi Akasa Nu ƒe dzesia dzi la, agbalẽwo aɖo kpokploe ɖe akasa nu. Ðoɖo sia nue agbalẽwo adze le ne èʋu afi sia.

Ne ètiae be agbalẽawo neɖo le Akasa Nu la, agbalẽawo ƒe akpa dzi, kɔpiwɔwɔ ƒe dzesi kple agbalẽawo dometɔ ɖe sia ɖe ƒe tanya adze. Tsɔ kɛrsa ɖo dzesiawo dometɔ ɖeka dzi (ne asitelefon alo tablɛt zãm nèle la, te asi edzi) ne nàkpɔ agbalẽawo ƒe fɔmat vovovowo (PDF, EPUB kple odiowo).

Zi Wo Nɔewo Te ƒe dzesia dzi ne nàtrɔ ɖoɖo si nu agbalẽawo adze le.

Ne ètia Wo Nɔewo Te la, fɔmat siwo katã me agbalẽ ɖe sia ɖe le la adze.

Le agbalẽ aɖewo gome la, woƒe nuŋɔŋlɔ lolotɔ kple bubuwo hã nɔa anyi. Le kpɔɖeŋu me, ne èzi PDF dzi la, aɖakavi aɖe aʋu eye àkpɔ agbalẽ ma ƒe vovovo siwo le fɔmat ma me la le afi ma. Zi esi ƒe kɔpi nèdi be yeawɔ la ƒe kadodo dzi ne nàwɔ eƒe kɔpi.

Ale Si Nàdi Agbalẽ Aɖe Me Nya Aɖewo Koŋ

Ne woda agbalẽ aɖe ɖe nyatakakadzraɖoƒea si nèdi be yeaxlẽ la, ŋlɔ nya alo nyagbe aɖe si dzi nèɖo ŋkui le nyatia alo taa me nàtsɔ adii le Nudiƒe la.

Zi Nudidi ƒe dzesia dzi. Le aɖakavia me la, ŋlɔ nya alo nyagbe si dim nèle eye nàzi Dii dzi. Ne èɖo ŋku nya alo nyagbe vevi siwo le nyatia me dometɔ aɖewo dzi la, ŋlɔ wo katã ɖe nudiƒea. Esia ana nyatia alo tanya nadze le nyati siwo adze gbã la dome.

Àte ŋu awɔ nu siwo gbɔna ne èdi be yeadi agbalẽwo ƒe tanyawo ɖeɖe ko:

  • Zi Nudidimɔnu Deŋgɔ alo Nudidimɔnu Ƒe Tiatiawo ƒe kadodoa dzi.

  • Tia Agbalẽwo ƒe aɖakavia le tanya si nye Hatsotsowo te.

  • Zi Dii dzi.