Dzo kpo yi emenuwo dzi

Dzo kpo yi emenuawo dzi

JW NYAKAKADƆWƆƑE

Kpɔ Video Si Nèdi Le Roku Dzi

Kpɔ Video Si Nèdi Le Roku Dzi

Àte ŋu akpɔ JW Nyakakadɔwɔƒea dzi video siwo nàdi be yeakpɔ la le akpa si nye Video Si Nèdi. Àte ŋu atiae be yeakpɔ videoa tso eƒe gɔmedzedze, ayi megbe, ayi ŋgɔ, alo atɔ sẽe. Àte ŋu atiae be yeakpɔ video ɖeka alo akpɔ video siwo katã le ƒuƒoƒo ɖeka me.

(De Dzesii: Míetsɔ Roku 3 ʋunu zazã ŋuti mɔfiamewo kpe ɖe mɔfiame siawo ŋu. Wò Roku-ʋunu la ate ŋu ato vovo na esia vie.)

Zi Video Si Nèdi dzi le JW Nyakakadɔwɔƒe la ƒe gɔmedzeƒe ne nàkpɔ videowo ƒe hatsotsowo. Zɔ ɖe mɔfiame siwo gbɔna dzi ne nàke ɖe videowo ŋu ahakpɔ wo:

 Ale Si Nàdi Videowo

Zã Aŋutrɔvi Yimiame kple Aŋutrɔvi Yiɖusime siwo le wò Roku-ʋunua dzi nàkpɔ videowo ƒe hatsotsowo. Hatsotso si dzi nètsɔ nutianua ɖo la adze le domedome, videoa ƒe akpaa, hatsotsoa ƒe ŋkɔ kple nyatakaka ʋɛ aɖewo akpe ɖe eŋu. Zi OK dzi ne wòatia hatsotso ma.

Video aɖewo le hatsotso vovovowo me. Le kpɔɖeŋu me, àte ŋu akpɔ video si nye Vi Nudomegblẽlaa Trɔ Gbɔ le hatsotso siwo nye Filmwo, Ƒome kple Sɔhɛwo siaa me.

Video siwo le fli ɖeka dzi la nye video siwo le ƒuƒoƒo ɖeka me. Ne èzã aŋutrɔvi ƒe dzesi siwo le wò Roku-ʋunua dzi le tsatsam le axa sia la, Nyatakakaɖakavi aɖe adze si me video si nètia la ƒe ŋkɔ kple ɣeyiɣi si wòaxɔ adze le.

  • Aŋutrɔvi Yidzi kple Aŋutrɔvi Yianyime: Zã wo nàtsɔ ayi videowo ƒe ƒuƒoƒo bubu dzi. Videowo ƒe ƒuƒoƒo si nètia ƒe ŋkɔ adze le videowo ƒe ƒuƒoƒoa ƒe akpaa gbɔ.

  • Aŋutrɔvi Yimiame kple Aŋutrɔvi Yiɖusime: Zã wo nàtsɔ akpɔ video siwo le ƒuƒoƒo ɖeka me.

    Aɖaŋuɖoɖo: Le aɖaka si me videowo ƒe ƒuƒoƒo vovovoawo dze le ƒe tame le ɖusime la, àkpɔ xexlẽdzesi eve aɖewo siwo fia video siwo le ƒuƒoƒoa me ƒe agbɔsɔsɔ kple esi dzi nèɖo la ƒe xexlẽdzesi.

Zi OK dzi nàtiae ale be video ƒe nyatakakaɖakavi aɖe nadze. Àte ŋu awɔ nu siwo gbɔna dometɔ si nèdi:

  • Ƒoe: Ƒo videoa tso eƒe gɔmedzedze.

  • Ƒoe Emenyawo Hã Nadze: Esia adze ne emenyawo kpe ɖe video la ŋu. Ne ètia esia be newɔ dɔ la, ànɔ videoa me nyawo hã kpɔm ne video la le ƒoƒom eye awɔe hã be video siwo katã le akpa siwo nye Video Ƒotsiãɖenuwo kple Video Si Nèdi la me nyawo anɔ dzedzem ne èle wo ƒom (nenye be wotsɔ wo me nyawo kpe ɖe wo ŋu). Ne mèdi be videoawo me nyawo nadze o la, tia Ƒoe Emenyawo Megadze O.

  • Ƒo Esiwo Katã Le Ƒuƒoƒo Sia Me: Video siwo katã le ƒuƒoƒo si nètia me aƒo, adze egɔme tso video gbãtɔ dzi.

    De Dzesii: Ne video siwo katã le ƒuƒoƒoa me ƒo vɔ la, adzudzɔ ƒoƒo.

 Videowo Ƒoƒo

Ne èle video siwo le akpa si nye Video Si Nèdi ƒom la, àte ŋu azã wò Roku-ʋunua atrɔ asi le woƒe ƒoƒo ŋu:

  • Tɔ Sẽe: Tɔ videoa sẽe. Zi dzesi ma ke dzi ne wòayi eƒoƒo dzi.

  • Yi Ŋgɔgbe: Atɔ videoa le afi si wòɖo ahaɖo ta videoa ƒe ŋgɔgbe. Ne kpevi nogoe si fiaa afi si videoa ɖo la ɖo afi si nèdi be yeakpɔ la, zi Ƒoe dzi.

    Aɖaŋuɖoɖo: Àte ŋu azi Yi Ŋgɔgbe dzi zi geɖe ale be wòayi ŋgɔ kabakaba.

  • Yi Megbe: Atɔ videoa le afi si wòɖo ahaɖo ta videoa ƒe gɔmedzedze lɔƒo. Ne kpevi nogoe si fiaa afi si videoa ɖo la ɖo afi si nèdi be yeakpɔ la, zi Ƒoe dzi.

    Aɖaŋuɖoɖo: Àte ŋu azi Yi Megbe dzi zi geɖe ale be wòayi megbe kabakaba.

  • Aŋutrɔvi Yiɖusime: Atɔ videoa ahayi ŋgɔ sekɛnd 10. Ne kpevi nogoe si fiaa afi si videoa ɖo la ɖo afi si nèdi be yeakpɔ la, zi Ƒoe dzi.

  • Aŋutrɔvi Yimiame: Atɔ videoa ahayi megbe sekɛnd 10. Ne kpevi nogoe si fiaa afi si videoa ɖo la ɖo afi si nèdi be yeakpɔ la, zi Ƒoe dzi.

  • Aŋutrɔvi Yianyime: Ana videoa ŋuti nyatakakawo nadze sekɛnd ʋɛ aɖewo. Gazi dzesi sia dzi ake ale be nyatakakaɖakavi la nabu.

  • Aŋutrɔvi Yidzi alo Yi Megbe ƒe aŋutrɔvi: Atrɔ ayi afi si videoa ŋuti nyatakakawo le.

 Ale Si Nàkpɔ Video Yeyewo Kple Video Siwo Wodo Bobloe

Le JW Nyakakadɔwɔƒe ƒe gɔmedzeƒea la, àkpɔ Video Si Nèdi ƒe ƒuƒoƒo tɔxɛ eve aɖewo:

  1. Esiwo Wodo Bobloe: Ne ƒuƒoƒo sia li la, video tɔxɛ siwo ado dzidzɔ na wò abe esiwo míazã le míaƒe kwasiɖa sia kwasiɖa ƒe kpekpewo kple ƒometadedeagu me la anɔ eme.

  2. Video Yeyewo: Video yeye ade siwo woda ɖi.

Zɔ ɖe mɔfiame siawo dzi ne èdi be yeatia video aɖe le ƒuƒoƒo siawo me:

  • Zã Aŋutrɔvi Yidzi alo Aŋutrɔvi Yianyime la nàtsɔ atia ƒuƒoƒoa.

  • Zi OK dzi ne video siwo le ƒuƒoƒo si nètia me nadze.

  • Zã Aŋutrɔvi Yidzi alo Aŋutrɔvi Yianyime la nàtsɔ akpɔ video siwo le ƒuƒoƒoa me.

  • Zi OK dzi ale be video si nètia ŋuti nyatakakawo nadze.

    De Dzesii: Tia Ƒo Esiwo Katã Le Ƒuƒoƒo Sia Me si adze le afi sia ne nàƒo video siwo katã le ƒuƒoƒo tɔxɛ siawo me.