Dzo kpo yi emenuwo dzi

Dzo kpo yi emenuawo dzi

JW NYAKAKADƆWƆƑE

Kpɔ Video Ƒotsiãɖenuwo Le Roku Dzi

Kpɔ Video Ƒotsiãɖenuwo Le Roku Dzi

JW Nyakakadɔwɔƒea ƒe akpa si nye Video Ƒotsiãɖenuwo wɔa dɔ abe television-dɔwɔƒe ene, videowo ƒe hatsotso vovovowo le edzi. Ne èdi be yeanɔ asi trɔm le videowo ŋu ne yele wo ƒom (si fia be nàkpɔ video aɖe tso eƒe gɔmedzedze, ayi megbe, ayi ŋgɔ, alo atɔe sẽe) la, ke yi akpa si nye Video Si Nèdi.

(De Dzesii: Míetsɔ Roku 3 ʋunu zazã ŋuti mɔfiamewo kpe ɖe mɔfiame siawo ŋu. Wò Roku-ʋunu la ate ŋu ato vovo na esia vie.)

Zɔ ɖe mɔfiame siawo dzi ne JW Nyakakadɔwɔƒe dzi video ƒotsiãɖenuwo kpɔkpɔ le Roku dzi nàɖe vi gbogbotɔ na wò:

 Kpɔ Video Ƒotsiãɖenuwo

Zi Video Ƒotsiãɖenuwo dzi le JW Nyakakadɔwɔƒe ƒe gɔmedzeƒea ne nàkpɔ videowo ƒe hatsotso vovovo siwo li.

Yi Megbe kple Yi Ŋgɔgbe ƒe dzesi siwo le wò Roku-ʋunua dzi nàkpɔ hatsotso vovovo siwo li. Hatsotso si dzi nutianua le la adze le domedome, eƒe ŋkɔ kple nyatakaka ʋɛ aɖewo akpe ɖe eŋu. Zi OK ƒe dzesia dzi ne wòatia hatsotso si nèdi.

Ne videoa le ʋuʋum la, hatsotsoa ƒe ŋkɔ kple video siwo le ʋuʋum ƒe gbãtɔ kple etɔ̃ siwo kplɔe ɖo ƒe ŋkɔ adze le nyatakakaɖakavi aɖe me.

Aɖaŋuɖoɖo: Ne videoawo ʋu vɔ, eye nèdi be nyatakakaɖakavia nabu la, ke zi aŋutrɔvi Yimiame si le wò Roku-ʋunua dzi.

 Tia Hatsotso Bubu

Ne èle video ƒotsiãɖenuwo ƒe hatsotso aɖe kpɔm la, àte ŋu ato mɔ eve dzi ayi hatsotso bubu dzi:

  • Yi hatsotsowo tiaƒe

    Zi aŋutrɔvi Yimiame alo Yi Megbe ƒe dzesia dzi ne wòatrɔ ayi hatsotsowo tiaƒea. Zã aŋutrɔvi Yimiame kple aŋutrɔvi Yiɖusime nàtsɔ akpɔ hatsotso vovovo siwo li. Zi OK dzi nàtia hatsotso si nèdi.

  • Yi hatsotso bubu dzi

    Ne èle video siwo le hatsotso aɖe me kpɔm la, àte ŋu ayi hatsotso bubu dzi, àte ŋu azi aŋutrɔvi Yidzi alo aŋutrɔvi Yianyime dzi nàtsɔ aʋu hatsotso si kplɔe ɖo alo esi do ŋgɔ. Ne videoa le ʋuʋum la, hatsotsoa ƒe ŋkɔ kple videoa ƒe ŋkɔ dzena le nyatakakaɖakavi aɖe me. Zi aŋutrɔvi Yidzi alo aŋutrɔvi Yianyime dzi nàtsɔ ayi hatsotso bubu dzi alo nàlala be videoa nàʋu.

 Zã Nyatakakaɖakavia

Ne èle video ƒotsiãɖenu siwo le hatsotso aɖe me kpɔm la, àte ŋu azi aŋutrɔvi Yiɖusime dzi ale be nyatakakaɖakavia nadze.

Le nyatakakaɖakavia me la, hatsotsoa ƒe ŋkɔ kple video si ʋu ƒe ŋkɔ kpakple etɔ̃ siwo kplɔe ɖo ƒe ŋkɔwo adze. Nu eve siwo gbɔna hã dzena: Ƒoe Tso Gɔmedzedzea kple Ƒoe Emenyawo Hã Nadze. Zi aŋutrɔvi Yidzi alo aŋutrɔvi Yianyime dzi nàtsɔ atia nu si nèdi. Zi OK dzi ne wòadze ƒoƒo gɔme.

  • Ƒoe Tso Gɔmedzedzea: Tia esia ne nàkpɔ video siwo le akpa si nye Video Si Nèdi. Le afi ma la, àte ŋu aƒo videoa tso gɔmedzedze, atɔe sẽe, ayi megbe alo ayi ŋgɔgbe.

  • Ƒoe Emenyawo Hã Nadze: Tia esia ale be ne video gbãtɔa de asi ƒoƒo me la, emenyawo hã nanɔ dzedzem, eye wòana be video siwo katã le akpa si nye Video Ƒotsiãɖenuwo kple Video Si Nèdi la me nyawo nanɔ dzedzem (ne tiatia ƒe mɔnu sia li). Ne èdi be yeatiae be videoawo me nyawo megadze o la, tia Ƒoe Emenyawo Megadze O le nyatakakaɖakavia me. (De Dzesii: Ne wowɔ Emenyawo ƒe ɖoɖo kpe ɖe video si ʋu la ŋu koe tiatia sia adze.)

Ne èdi be nyatakakaɖakavia netu la, zi aŋutrɔvi Yimiame alo aŋutrɔvi Yiɖusime alo Yi Megbe ƒe dzesia dzi.