Dzo kpo yi emenuwo dzi

Dzo kpo yi emenuawo dzi

JW NYAKAKADƆWƆƑE

JW Nyakakadɔwɔƒea Dada Ðe Roku Dzi

JW Nyakakadɔwɔƒea Dada Ðe Roku Dzi

Hafi nàte ŋu akpɔ JW Nyakakadɔwɔƒe le Roku dzi la, ele be nàtrɔ asi le wò Roku-ƒonua ŋu eye nàda JW Nyakakadɔwɔƒea ƒe dɔwɔnua ɖe edzi. Zɔ ɖe mɔfiame siwo gbɔna dzi be nàwɔ esia:

  • Ale Si Nàtrɔ Asi Le Wò Roku-ƒonua Ŋu

  • Ale Si Nàda JW Nyakakadɔwɔƒe Ði To Kɔmpiuta Dzi

  • Ale Si Nàda JW Nyakakadɔwɔƒe Ði To Roku Dzi

Ale Si Nàtrɔ Asi Le Wò Roku-ƒonua Ŋu

Ale si woatrɔ asi le Roku-ƒonua kple ale si woatsiã internet-kadodo nɛ la ƒe mɔfiamewo akpe ɖe Roku-ƒonua ŋu. Ne ètrɔ asi le Roku-ƒonua ŋu vɔ la, zɔ ɖe mɔfiame siwo dze le kɔmpiutaa dzi la dzi.

De Dzesii: Ele be internet nanɔ dɔ wɔm le wò kɔmpiuta, asitelefon alo tablɛt la dzi hafi nàte ŋu akpɔ mɔfiame siwo dzi nàzɔ ɖo atrɔ asi le eŋu.

Ne èzɔ ɖe asitɔtrɔ le Roku-ƒonua ŋu ƒe mɔfiamea dzi va ɖo afi aɖe la, abia tso asiwò be nàdo ka kple Roku nyatakakadzraɖoƒea. Be nàte ŋu awɔ esia la, ʋu www.roku.com/link eye nàŋlɔ xexlẽdzesi si dze le wò television la dzi ɖe afi si wobia be nàŋlɔe ɖo. Eyome zɔ ɖe mɔfiame siwo dze le wò kɔmpiuta, tablɛt alo asitelefon dzi la dzi be nàŋlɔ ŋkɔ ɖe Roku nyatakakadzraɖoƒea.

Nenye be wò Roku-ƒonua te ŋu do ka kple Roku nyatakakadzraɖoƒea ko la, adze le wò television la dzi be esɔ gbe.

Ne èdi mɔfiame bubuwo ku ɖe ale si nàtrɔ asi le wò Roku-ƒomɔ̃a ŋu ŋu la, kpɔ kpekpeɖeŋunaƒe si le Roku nyatakakadzraɖoƒea.

Ale Si Nàda JW Nyakakadɔwɔƒe Ði To Kɔmpiuta Dzi

Roku-ƒonu ƒoa videowo. Ne èdi be yeakpɔ videowo ƒe hatsotso aɖe la, dae ɖe wò Roku-ƒonua dzi. Mɔ siwo dzi nàto awɔ esia dometɔ ɖekae nye to wò kɔmpiuta dzi.

  • Yi JW Nyakakadɔwɔƒea le Roku Channel Store le internet-ʋunu ɖe sia ɖe me.

  • Ge ɖe wò Roku-ŋkɔŋlɔɖia me nenye be mège ɖe eme haɖe o.

  • Zi Add Channel dzi be wòada hatsotsoa ɖe edzi. Ne edae ɖi vɔ la, nya Installed ava xɔ ɖe Add Channel si le amadede gbemumu me la teƒe.

Ne ètia hatsotso aɖe le internet-ʋunua me la, mefia be edae ɖe wò Roku-ƒonua dzi o; ke boŋ ɖeko wòdae ɖe afi si nu siwo wòle be nàda ɖi la nɔna. Dae ɖe wò Roku-ƒonua ŋutɔ dzi azɔ.

  • Zi Home (xɔvi ƒe dzesi) la dzi le Roku-ʋunua dzi.

  • Zã aŋutrɔvi Yidzi kple aŋutrɔvi Yianyime ƒe dzesiawo nàtsɔ akpɔ nu siwo le Tiatiawɔƒe la.

  • Zi OK dzi.

  • Le Tiatiawɔƒea la, yi dzi alo yi anyime va se ɖe esime nèva ɖo System Update dzi eye nàzi OK dzi. System Update ƒe axa la aʋu. Ele be Check Now nanɔ tiatia le ɖusime.

  • Zi OK dzi.

Roku-ƒonua adi nu siwo le afi siwo nu siwo nèdi be yeada ɖi nɔna la eye wòada wo ɖi.

  • Trɔ yi wò Roku-ƒonua ƒe gɔmedzeƒe eye nàtia My Channels le afi ma. Nu siwo katã nèda ɖe Roku-ƒonua dzi la adze eye àkpɔ JW Nyakakadɔwɔƒe la hã le wo dome.

  • Yi jw.org dzesia dzi eye nàzi OK dzi ale be JW Nyakakadɔwɔƒe la nadze.

Ale Si Nàda JW Nyakakadɔwɔƒe Ði To Roku Dzi

Àte ŋu ada JW Nyakakadɔwɔƒe la ɖe Roku-ƒonua dzi tẽe.

  • Yi Roku-ƒonua ƒe gɔmedzeƒea.

  • Zã aŋutrɔvi Yidzi alo aŋutrɔvi Yianyime ƒe dzesi si le Roku-ʋunua dzi nàtsɔ ahe nutianua yi anyime va se ɖe esime nàɖo Search dzi.

  • Zi OK dzi.

Ne èŋlɔ nya aɖe ɖe Search ƒe aɖakaa me la, adi Roku dzi filmwo, fefewɔlawo, fefewo kple videowo ƒe hatsotso siwo do ƒome kple nya si nèŋlɔ la. JW Nyakakadɔwɔƒe hã nye videowo ƒe hatsotsowo, eya ta kpɔ ŋuɖoɖo siwo gbɔ JW Nyakakadɔwɔƒe ƒe dzesia dze le le Channel la me. Ŋlɔ nya siwo gbɔna la dometɔ ɖe sia ɖe nàtsɔ adi JW Nyakakadɔwɔƒe la:

  • jw nyakakadɔwɔƒe

  • jw.org

  • jwtv

  • Yehowa

  • Ne JW Nyakakadɔwɔƒe dze le ŋuɖoɖoawo me la, zi aŋutrɔvi Yiɖusime la dzi va se ɖe esime nàɖo videowo ƒe hatsotsoa ƒe ŋkɔ dzi eye nàzi OK dzi. Ele be Add channel la nadze nyuie azɔ.

  • Zi OK dzi ake ne wòada JW Nyakakadɔwɔƒe la ɖi.

Ne èbe yeakpɔ JW Nyakakadɔwɔƒea la, yi Go to channel, alo nàyi Roku-ƒonua ƒe gɔmedzeƒe eye nàyi ɖe My Channels eye àkpɔ JW Nyakakadɔwɔƒe la le afi ma.