Àte ŋu akpɔ tv.jw.org ƒe videowo le Video Si Nèdi ɣesiaɣi. Àte ŋu atɔ videoa sẽe, ana wòayi megbe alo ayi ŋgɔ. Àte ŋu akpɔ video ɖeka alo esiwo katã le ƒuƒoƒo aɖe me. Zi Video Si Nèdi dzi ne nàkpɔ videowo ƒe hatsotso siwo li. Zɔ ɖe mɔfiame siwo gbɔna dzi nàtsɔ adi video aɖe ahakpɔe:

  • Ale Si Nàwɔ Akpɔ Video Si Wodo Bobloe

  • Ale Si Nàwɔ Ake Ðe Video Aɖe Ŋu

  • Videowo Ƒoƒo

Ale Si Nàwɔ Akpɔ Video Si Wodo Bobloe

Ne èzi Video Si Nèdi dzi gbã la, video siwo wodo bobloe la ƒe akpaa dzi foto gã aɖe adze. Le sekɛnd ʋɛ aɖe megbe la, video bubu ava xɔ ɖe eteƒe, eye video vovovowo anɔ wo nɔewo ɖɔlim nenema ko. Video siwo wodo bobloe la dometɔ aɖewo anye video yeyewo. Gake wo dometɔ aɖewo hã anye esiwo míazã le míaƒe kwasiɖa sia kwasiɖa ƒe hame ƒe kpekpewo me.

Zi video siwo wodo bobloe la ƒe fotoa dzi. Videoa ƒe hatsotso, eƒe ŋkɔ kple ɣeyiɣi si wòaxɔ la ava xɔ ɖe eteƒe.

Zi Ƒoe dzi ne videoa naƒo. (De Dzesii: Le iOS kple Android asitelefonwo kple tablɛtwo hã dzi la, ahiã be nàzi Ƒoe ƒe dzesia dzi ne edze ale be wòaƒo.)

Ale Si Nàwɔ Ake Ðe Video Aɖe Ŋu

Videowo ƒe hatsotsowo adze le video si wodo bobloe le Video Si Nèdi la te. Hatsotso ɖe sia ɖe ƒe ŋkɔ kple eƒe foto adze. Àte ŋu akpɔ video aɖewo le hatsotso vovovowo me. Le kpɔɖeŋu me, àte ŋu akpɔ video si nye Vi Nudomegblẽlaa Trɔ Gbɔ le Filmwo, Ƒome kple Sɔhɛwo me.

He nutianua yi gɔme be nàkpɔ hatsotsoawo.

Zi hatsotsoa ƒe fotoa alo eƒe ŋkɔ dzi ne wòaʋu. Ne hatsotsoa ƒe fotoa dze gã le etame la, àkpɔ eƒe ŋkɔ kple nyatakaka bubu aɖewo. Le foto gãa te la, àkpɔ videowo ƒe ƒuƒoƒo siwo le videowo ƒe hatsotso ma me.

Kɔmpiuta alo tablɛt: Zi Aŋutrɔvi Miametɔ alo Aŋutrɔvi Ðusimetɔ dzi ne èdi be yeakpɔ video siwo katã le ƒuƒoƒo aɖe me.

Asitelefon deŋgɔ: Ƒuƒoƒoa ƒe video gbãtɔ adze. Ne èdi be yeakpɔ video bubu siwo le ƒuƒoƒo ma me la, zi Kpɔ Bubuwo dzi.

Zi video ƒe foto gã si adze le etame la ƒe fotoa alo eƒe ŋkɔ dzi nàtsɔ atia videoa. Videoa ƒe ŋkɔ, eŋuti nyatakaka kple ɣeyiɣi si wòaxɔ adze le videoa ƒe foto la gbɔ.

Zi Ƒoe dzi ne wòaƒo videoa na wò. (De Dzesii: Le iOS kple Android asitelefonwo kple tablɛtwo hã dzi la, ahiã be nàzi Ƒoe ƒe dzesia dzi ne edze ale be wòaƒo.)

  • Aɖaŋuɖoɖo: Àte ŋu atiae be yeanɔ videowo ƒom ɖekaɖeka, eye àte ŋu azi Ƒo Wo Katã si dzena le afi ma hã dzi ale be video siwo katã le ƒuƒoƒo ɖeka me naƒo.

    De Dzesii: Videoawo adzudzɔ ƒoƒo ne eƒo esiwo katã le ƒuƒoƒoa me vɔ.

  • Ne Ƒo Wo Katã ye nètia la, àte ŋu azi Yi Megbe ƒe dzesia dzi ale be wòatrɔ ayi ƒuƒoƒo ma ƒe video si do ŋgɔ na esi le ƒoƒom la dzi.

  • Ne Ƒo Wo Katã ye nètia la, àte ŋu azi Yi Ŋgɔgbe ƒe dzesia dzi ale be wòatrɔ ayi ƒuƒoƒo ma ƒe video si kplɔ esi le ƒoƒom ɖo la dzi.

Videowo Ƒoƒo

Ne èle video ƒom le akpa si nye Video Si Nèdi la, àte ŋu awɔ nu siwo gbɔna:

  • Kɔmpiuta: Ne èdi be videoa nekeke la, zi Ʋui Gbadza ƒe dzesi si le videoƒonua dzi la dzi.

    Tablɛt alo asitelefon deŋgɔwo: Ne èdi be videoa neʋu gbadzaa la, te asi ɖe videoa ƒe afi aɖe, eye nàzi Ʋui Gbadza ƒe dzesia dzi ne edze.

  • Kɔmpiuta: Ne èdi be wòagbugbɔ ayi eƒe lolome xoxotɔ me la, zi Escape alo Échap dzi alo tsɔ nutianua ɖo videoa dzi eye nàzi Lolome Xoxotɔ ƒe dzesia dzi.

    iOS: Ne èdi be wòagbugbɔ ayi eƒe lolome xoxotɔ me la, zi Lolome Xoxotɔ ƒe dzesia dzi.

    Android: Ne èdi be wòagbugbɔ ayi eƒe lolome xoxotɔ me la, te asi ɖe videoa ƒe afi aɖe, eye nàzi Yi Megbe ƒe dzesia dzi.

    Windows Mobile: Ne èdi be wòagbugbɔ ayi eƒe lolome xoxotɔ me la, zi Yi Megbe ƒe dzesia dzi.

  • Zi Tɔ Sẽe ne videoa natɔ.

  • Zi Ƒoe dzi ne video nayi ƒoƒo dzi.

  • Ne èdi be yeakpɔ videoa ƒe akpa bubu la, he kpevi nogoe si fiaa afi si videoa ɖo la yi megbe alo ŋgɔgbe.

  • Kɔmpiuta: Ne èdi be yeatia video ƒe kɔ̀kɔme bubu la, tsɔ kɔmpiuta ƒe nutianua ɖo videoa dzi, eyome nàtsɔe ɖo Video Ƒe Tiatiawɔƒe ƒe dzesia dzi eye nàtia kɔ̀kɔme si nèdi. (De Dzesii: Nu sia mewɔa dɔ le internet-ʋunu ɖe sia ɖe me o.)

    De Dzesii: Videoawo ƒe kɔ̀kɔme ƒe xexlẽdzesi si lolo wu fia be wonye video siwo kɔ̀ wu, eye ehiã be internet-kadodo nanɔ dɔ wɔm nyuie hafi nàte ŋu aƒo video siawo. Tia esi awɔ dɔ nyuie le wò internet-kadodo ƒe dɔwɔwɔ kple mɔ̃a ƒe kekeme nu. (Ne èdi numeɖeɖe bubuwo la, kpɔ nyati si nye Wò Kɔmpiuta, Tablɛt Alo Asitelefon Ƒe Tiatiawɔƒea Zazã.)

    Asitelefon deŋgɔ alo Tablɛt: Ne èdi be yeatrɔ videoa ƒe kɔ̀kɔme la, zi Video Ƒe Tiatiawɔƒe dzi eye nàtia video ƒe kɔ̀kɔme si nèdi. (De Dzesii: Tiatia sia mele asitelefon alo tablɛt ƒe video-ƒonu aɖewo me o.)

  • Kɔmpiuta: Ne èdi be yeatrɔ asi le gbea ƒe sesẽme ŋu la, tsɔ nutianua ɖo videoƒonu si le wò kɔmpiuta, asitelefon alo tablɛt dzi ƒe Gbeɖiɖitrɔƒe (Volume) ƒe dzesi la dzi. He gbeɖiɖitrɔƒea ƒe kpevi nogoe si fiaa afi videoa ɖo la yi dzi alo anyime nàtsɔ atrɔ gbea ƒe sesẽme.

    Tablɛt alo asitelefon deŋgɔwo: Ne èdi be yeatrɔ gbea ƒe sesẽme la, zã odio ƒe dzesi si le mɔ̃a dzi.