TV.JW.ORG ƒe akpa si nye Video Ƒotsiãɖenuwo wɔa dɔ ko abe ale si televisiondɔwɔƒewo wɔa dɔ ene le mɔ sia nu be video hatsotso geɖewo nɔa wo edzi. Tia hatsotso ɖeka ne nàkpɔ nyakakadɔwɔƒea ƒe videowo. Ne èdi be yeanɔ asi trɔm le videoawo ŋu ne yele wo ƒom (si fia be nàte ŋu akpɔ video aɖe tso eƒe gɔmedzedze, ayi megbe, ayi ŋgɔ, alo atɔe sẽe) la, ke yi akpa si nye Video Si Nèdi.

Zɔ ɖe mɔfiame siwo gbɔna dzi ne èdi be yeakpɔ video ƒotsiãɖenuwo:

  • Ale Si Nàkpɔ Video Ƒotsiãɖenuwo Le Kɔmpiuta Dzi

  • Ale Si Nàkpɔ Video Ƒotsiãɖenuwo Le Tablɛt Kple Asitelefon Dzi

  • Ale Si Nàtia Videowo Ƒe Hatsotso Bubu Le Kɔmpiuta Alo Tablɛt Dzi

  • Ale Si Nàtia Videowo Ƒe Hatsotso Bubu Le Asitelefon Deŋgɔwo Dzi

  • Ale Si Nàkpɔ Nu Siwo Le Hatsotsowo Ƒe Ðoɖowɔɖi La Me

Ale Si Nàkpɔ Video Ƒotsiãɖenuwo Le Kɔmpiuta Dzi

Zi Video Ƒotsiãɖenuwo dzi, eye videowo ƒe hatsotso aɖe si woɖo ɖi la adze ƒoƒo gɔme.

  • Ne èdi be videoa neʋu gbadza la, zi Ʋui Gbadza ƒe dzesi si le video-ƒonua dzi la dzi.

  • Ne èdi be wòagbugbɔ ayi eƒe lolome xoxotɔ me la, zi Escape alo Échap dzi alo tsɔ nutianua ɖo videoa dzi eye nàzi Lolome Xoxotɔ ƒe dzesia dzi.

  • Ne èdi be yeatia video ƒe kɔ̀kɔme bubu la, tsɔ kɔmpiuta ƒe nutianua ɖo videoa dzi, eyome nàtsɔe ɖo Video Ƒe Tiatiawɔƒe ƒe dzesia dzi eye nàtia kɔ̀kɔme si nèdi. (De Dzesii: Nu sia mewɔa dɔ le internet-ʋunu aɖewo me o.)

    De Dzesii: Videoawo ƒe kɔ̀kɔme ƒe xexlẽdzesi si lolo wu fia be wonye video siwo kɔ̀ wu, eye ehiã be internet-kadodo si le mɔ̃a dzi la nanɔ dɔ wɔm nyuie hafi nàte ŋu aƒo video siawo. Tia esi awɔ dɔ nyuie le wò internet-kadodo ƒe dɔwɔwɔ kple mɔ̃a ƒe kekeme nu. (Ne èdi numeɖeɖe bubuwo la, kpɔ nyati si nye Wò Kɔmpiuta, Tablɛt Alo Asitelefon Ƒe Tiatiawɔƒea Zazã.)

  • Ne èdi be yeatrɔ asi le gbea ƒe sesẽme ŋu la, zi videoƒonu si le wò kɔmpiuta, asitelefon alo tablɛt dzi la ƒe Gbeɖiɖitrɔƒe ƒe dzesi la dzi. He gbeɖiɖitrɔƒea ƒe kpevi nogoe yi dzime alo anyime nàtsɔ atrɔ gbea ƒe sesẽme.

Ne èzi Ƒoe Tso Gɔmedzedzea dzi la, adzo le akpa si nye Video Ƒotsiãɖenuwo ahakplɔ wò ayi video ma ke gbɔ le akpa si nye Video Si Nèdi.

Aɖaŋuɖoɖo: Yi Tiatiawɔƒe la ne nàtia videowo ƒe hatsotso si anɔ ʋuʋum gbã ne èle video siwo le Video Ƒotsiãɖenuwo ƒom le wò kɔmpiuta dzi.

Ne èle video ƒotsiãɖenuwo ƒe hatsotso aɖe kpɔm ɣeyiɣi didi aɖe eye mètrɔ hatsotsoa o la, videoa atɔ eye gbedeasi aɖe adze si me woabia wò le be ɖe nègakpɔtɔ le videoa kpɔm mahã. Susu si tae nye be video ƒotsiãɖenuwo ƒe hatsotso ɖe sia ɖe ƒoƒo gblẽa ga geɖe, evɔ mímadi be míayi edzi anɔ wo ƒom ne ame aɖeke mele wo kpɔm o. Ne ègakpɔtɔ le videoa kpɔm la, ke zi Ɛ̃ dzi ne wòayi video si kpɔm nèle la ƒoƒo dzi na wò.

Ale Si Nàkpɔ Video Ƒotsiãɖenuwo Le Tablɛt Kple Asitelefon Dzi

De Dzesii: Vovototo suesue aɖewo nɔa ale si video ƒotsiãɖenuwo wɔa dɔe le asitelefon deŋgɔawo kple tablɛtwo dzi la dome le woƒe kekeme kple mɔ̃dziɖoɖo si le wo dzi la nu. Vovototo siawo dometɔ aɖewo dze le mɔfiame siwo gbɔna la me.

Ne tablɛt zãm nèle la, zi Video Ƒotsiãɖenuwo ƒe dzesia dzi. Videowo ƒe hatsotso ɖoɖi, si fia hatsotso si woɖo ɖi be wòanɔ ʋuʋum la, aʋu.

Le asitelefon deŋgɔwo dzi la, zi Edzinuwo ƒe dzesia dzi. Zi Video Ƒotsiãɖenuwo dzi ne wòaʋu videowo ƒe hatsotsoa, eye zi Aŋutrɔvi Yianyime dzi le akpa si nye Video Ƒotsiãɖenuwo ƒe ɖusime eye nàtia videowo ƒe hatsotso si nèdi.

Zi Ƒoe dzi ne videoa nadze ƒoƒo gɔme.

  • Ne èdi be videoa nakeke la, zi videoa dzi enumake zi eve, eye nàzi Ʋui Gbadza ƒe dzesia dzi.

    De Dzesii: Ne videoa keke la, àte ŋu akpɔ videoƒonua ƒe dzesi siwo nàte ŋu azã atsɔ atɔ videoa, aƒoe, ana wòayi ŋgɔ alo megbe, gake ate ŋu adzɔ be ne èzi nu siawo dzi la, womawɔ dɔ o.

  • iOS: Ne èdi be videoa negaɖo eƒe lolome xoxotɔ me la, te asi ɖe videoa ƒe afi aɖe dzi eye nàtia Lolome Xoxotɔ ƒe dzesia alo Wɔe ƒe dzesia dzi.

    Android: Ne èdi be videoa negaɖo eƒe lolome xoxotɔ me la, te asi ɖe videoa ƒe afi aɖe dzi eye nàzi Yi Megbe ƒe dzesi si le Android dzi la dzi.

    Windows Mobile: Ne èdi be videoa negaɖo eƒe lolome xoxotɔ me la, te asi ɖe videoa ƒe afi aɖe dzi eye nàzi Yi Megbe ƒe dzesi si le edzi la dzi.

  • Ne èdi be yeatia video ƒe kɔ̀kɔme bubu la, tsɔ kɔmpiuta ƒe nutianua ɖo videoa dzi, eyome nàtsɔe ɖo Video Ƒe Tiatiawɔƒe ƒe dzesia dzi eye nàtia kɔ̀kɔme si nèdi. (De Dzesii: Nu sia mewɔa dɔ le internet-ʋunu aɖewo me o.)

    De Dzesii: Videoawo ƒe kɔ̀kɔme ƒe xexlẽdzesi siwo lolo wu fia be wonye video siwo kɔ̀ wu, eye ehiã be internet-kadodo si le mɔ̃a dzi nanɔ dɔ wɔm nyuie hafi nàte ŋu aƒo video siawo. Tia esi awɔ dɔ nyuie le wò internet-kadodoa ƒe dɔwɔwɔ kple mɔ̃a ƒe kekeme nu. (Ne èdi numeɖeɖe bubuwo la, kpɔ nyati si nye Wò Kɔmpiuta, Tablɛt Alo Asitelefon Ƒe Tiatiawɔƒea Zazã.)

Ne èdi be yeakpɔ video siwo akplɔe ɖo la, ke zi Hatsotsowo Ƒe Ðoɖowɔɖi la dzi. Le tablɛt kple asitelefon suewo dzi la, ahiã be nàyi gɔme hafi akpɔ wo.

Ne èzi Ƒoe Tso Gɔmedzedzea dzi la, adzo le akpa si nye Video Ƒotsiãɖenuwo ahakplɔ wò ayi video ma ke gbɔ le akpa si nye Video Si Nèdi.

Aɖaŋuɖoɖo: Yi Tiatiawɔƒe la nàtia videowo ƒe hatsotso si anɔ ʋuʋum gbã ne èle video siwo le Video Ƒotsiãɖenuwo ƒom le wò kɔmpiuta dzi.

Ale Si Nàtia Videowo Ƒe Hatsotso Bubu Le Kɔmpiuta Alo Tablɛt Dzi

Ne video si le ƒoƒom le eƒe lolome xoxotɔa me (si fia be meʋu gbadza o) la, videowo ƒe hatsotso siwo li adze le ete. Zi hatsotsoa ƒe ŋkɔ dzi ne wòaʋu hatsotso ma na wò.

Le kɔmpiutawo alo tablɛtwo dzi la, hatsotsoawo ƒe ŋkɔ adze le video si le ƒoƒom te. Mɔ̃a ŋutɔ atia Video si le ƒoƒom ƒe hatsotsoa xoxo, eye fli blɔ aɖe anɔ hatsotsoa ƒe ŋkɔa tame.

Zi Aŋutrɔvi Yimiame kple Aŋutrɔvi Yiɖusime ƒe dzesia dzi ne nàkpɔ hatsotso bubuwo. Zi hatsotsoa ƒe ŋkɔ dzi ne wòaʋu hatsotso ma na wò.

Ne kɔmpiuta dzie la, hatsotso yeye si nètia la ƒe videoa adze ƒoƒo gɔme enumake. Le tablɛt siwo nye iOS kple Android dzi la, ahiã be nàzi Ƒoe dzi hafi wòadze ƒoƒo gɔme.

Ale Si Nàtia Videowo Ƒe Hatsotso Bubu Le Asitelefon Deŋgɔwo Dzi

Ne video aɖe le ƒoƒom le eƒe lolome xoxotɔ me (si fia be meʋu gbadza o) la, hatsotso siwo li ƒe ŋkɔwo adze le ete. Zi hatsotsoa ƒe ŋkɔ dzi ne wòaʋu hatsotso ma na wò.

Ne wotrɔ asitelefon deŋgɔ la ɖe eƒe lɔbɔe me la, videowo ƒe hatsotsoawo adze le fli aɖe si dzɔ kã dzi. Fli blɔ aɖe anɔ hatsotso si nètia la ƒe ŋkɔ tame. Zi Aŋutrɔvi Yianyime ƒe dzesia dzi le hatsotso aɖe ƒe ŋkɔ ƒe ɖusime, eye video si le ƒoƒom la adze. Hee yi gɔme ne nàkpɔ video siwo akplɔe ɖo, ɣeyiɣi si ɖe sia ɖe axɔ, game si woadze ƒoƒo gɔme.

Zi Aŋutrɔvi Yidzi la dzi ne hatsotsoawo ƒe ŋkɔwo nabu.

Zi hatsotso aɖe ƒe ŋkɔ dzi ne wòatiae, eye nàzi Ƒoe dzi ne wòadze hatsotso ma ƒe videowo ƒoƒo gɔme.

Ale Si Nàkpɔ Nu Siwo Le Hatsotsowo Ƒe Ðoɖowɔɖi La Me

Le kɔmpiuta kple tablɛtwo dzi la, Hatsotsowo Ƒe Ðoɖowɔɖi dzena ne video la le eƒe lolome xoxotɔ me (si fia be meʋu gbadza o). Ne asitelefon deŋgɔ zãm nèle la, kpɔ Ale Si Nàtia Videowo Ƒe Hatsotso Bubu Le Asitelefon Deŋgɔwo Dzi.

Zi Hatsotsowo Ƒe Ðoɖowɔɖi la dzi ne nàkpɔ hatsotso siwo katã li, kple video siwo katã le wo dometɔ ɖe sia ɖe me.

Foto siwo le akasa nu la dometɔ ɖe sia ɖe nye videowo ƒe hatsotso. Hatsotso si ƒe video le ƒoƒom la, adze le hatsotsoa ƒe tame. Video siwo le eme kple ɣeyiɣi si ɖe sia ɖe axɔ la siaa adze le ete.

Zi Aŋutrɔvi Yimiame alo Aŋutrɔvi Yiɖusime dzi nàkpɔ hatsotsoawo ƒe ŋkɔwo. Zi hatsotso aɖe dzi ale be hatsotsowo ƒe ɖoɖowɔɖi la nabu eye wòaʋu hatsotso si nètia la na wò.

De Dzesii: Game siwo woŋlɔ ɖe videoawo gbɔ le Hatsotsowo Ƒe Ðoɖowɔɖi la me be woadze egɔme la nye mia gbɔ game (efia game si le kɔmpiuta si dzi nèle nua kpɔm le la dzi). Ema fia be ame sia ame makpɔ video ɖeka ma ke le game ɖeka ma dzi o. Le kpɔɖeŋu me, ne èle video aɖe kpɔm le zã ga 7 me, eye ame aɖe hã le hatsotso ma ke kpɔm le ɣeyiɣi ma tututu me la, ame siwo le ɣedzeƒenutowo me akpɔ video ma do ŋgɔ xoxo esime wòƒo zã ga 7 le wo gbɔ. Ame siwo le ɣetoɖoƒe siwo miele ŋgɔ na gaƒoƒo ɖeka la akpɔ hatsotso ma ƒe videowo le gaƒoƒo ɖeka megbe ne eƒo zã ga 7 le wo gbɔ.

Gazi Hatsotsowo Ƒe Ðoɖowɔɖi la dzi ake ale be hatsotso ƒe ɖoɖowɔɖi la nabu ale be magaxe videoa ŋkume na wò o.