Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

JW NYAKAKADƆWƆƑE

Wò Kɔmpiuta, Tablɛt Alo Asitelefon Ƒe Tiatiawɔƒea Zazã

Wò Kɔmpiuta, Tablɛt Alo Asitelefon Ƒe Tiatiawɔƒea Zazã

Àte ŋu atrɔ ale si nèdi be tv.jw.org dzi nuwo nawɔ dɔ le Tiatiawɔƒe la.

Zi Tiatiawɔƒe ƒe dzesia dzi. Zɔ ɖe mɔfiame siwo gbɔna dzi nàtrɔ nuwo le tiatiawɔƒea le ale si nèdii nu:

  • Ale Si Nàtia Video Ƒe Kɔ̀kɔme Si Nèdi

  • Ale Si Nàtiae Be Emenyawo Nedze alo Womegadze O

  • Ale Si Nàtia Video Ƒotsiãɖenuwo Ƒe Hatsotsowo

De Dzesii: Ne èwɔ tiatia aɖewo la, internet-ʋunu alo asitelefon si dzi nèwɔe le ko dzie wòadze le. Ne ètutu nudinyawo le wò internet-ʋunua me la, tiatiawɔƒea ƒe tiatiawo agatrɔ ayi ale si wonɔ xoxo.

Ale Si Nàtia Video Ƒe Kɔ̀kɔme Si Nèdi

  • Zi video ƒe kɔ̀kɔme si nèdi ƒe kpevia dzi ne wòatiae.

  • Zi Dzrae Ðo dzi ne nàdzra wò tiatiawo ɖo.

Nu kae xexlẽdzesiawo fia? Xexlẽdzesiawo fia videoawo ƒe kɔ̀kɔme alo woƒe nyonyo me. Xexlẽdzesia ƒe lolome fia videoa ƒe kɔ̀kɔme, eye esia bia be internet si le wò mɔ̃a dzi la nanɔ dɔ wɔm nyuie.

Xexlẽdzesi siwo gbɔna fia videoa ƒe kɔ̀kɔme vovovowo:

Kɔ̀kɔme

Nu si wòfia

240p

Esi mekɔ o. Esɔ nyuie na asitelefon suewo.

360p

Esi mekɔ ale o. Esɔ nyuie na asitelefon suewo.

480p

Esia koŋue wolɔ̃a zazã na tablɛtwo, kɔmpiutawo kple televisionwo.

720p

Esi kɔ nyuie wu (HD). Esɔ nyuie na kɔmpiuta siwo ƒe kɔ̀kɔme de 1024x768 teti alo HDTV si ƒe kɔ̀kɔme nye 1280x720.

1080p

Kɔ̀kɔme nyuitɔ kekeake (HD). Esɔ nyuie na kɔmpiuta siwo ƒe kɔ̀kɔme de pixel 1080 teti alo HDTV si ƒe kɔ̀kɔme nye 1920x1080.

Nu ka tae nàtia videoa ƒe kɔ̀kɔme bubu? Ne wò internet mele dɔ wɔm nyuie o, eye videoa nɔa tsotsom la, anyo be nàtia kɔ̀kɔme si ɖiɖi wu. Tia kɔ̀kɔme si asɔ na wò kɔmpiuta alo mɔ̃ la nyuie. Ne mèdi be yeazã internet fũu alo agblẽ ga fũu o la, tia kɔ̀kɔme si ɖiɖi wu.

Aleke wòzãa kɔ̀kɔme si nètia? TV.JW.ORG maƒo video siwo ƒe kɔ̀kɔme de ŋgɔ wu esiwo nètia le afi sia o. (Kpɔ Ale Si Nàkpɔ Video Ƒotsiãɖenuwo Le tv.jw.org.)

Ne ètia Le Eɖokui Si la, tv.jw.org ŋutɔ atia video ƒe kɔ̀kɔme si sɔ nyuie na wò kɔmpiuta alo mɔ̃a.

Ale Si Nàtiae Be Emenyawo Nedze alo Womegadze O

Wotrɔ asi le videoawo dometɔ aɖewo ŋu be ne wole ƒoƒom la, wo me nyawo nanɔ dzedzem. Videoa me nyawo nɔa gbegbɔgblɔ si me wòle la me.

  • Ne èdi be emenyawo nadze la, tia Dze egɔme kple hatsotso mamlɛtɔ si ƒo.

  • Ne mègadi be emenyawo nadze o la, gbugbɔ zi aɖaka ma dzi ake.

  • Zi Dzrae Ðo dzi ne wòadzra tiatia ma ɖo.

De dzesii: Tiatia sia wɔa dɔ le video siwo ŋu emenyawo kpe ɖo, siwo le akpa siwo nye Video Ƒotsiãɖenuwo kple Video Si Nèdi la.

Ale Si Nàtia Video Ƒotsiãɖenuwo Ƒe Hatsotsowo

Le ɖoɖoa nu la, ɣesiaɣi si nèzi Video Ƒotsiãɖenuwo dzi la, aʋu video ƒotsiãɖenuwo ƒe hatsotso si nèkpɔ va yi la na wò le eɖokui si.

Ke hã ate ŋu adzɔ be nàdi be videowo ƒe hatsotso aɖe koŋ nanɔ ʋuʋum ɣesiaɣi si yezi Video Ƒotsiãɖenuwo dzi. Le kpɔɖeŋu me, ne dzilae nènye la, àdi be tablɛt si ye vi zãna naʋu videowo ƒe hatsotso si nye Ðeviwo tẽe ɣesiaɣi si viwòa naʋui.

  • Ne èdi be wòanɔ video ƒe hatsotso ɖeka aɖe koŋ ʋum ɣesiaɣi si nàzi Video Ƒotsiãɖenuwo dzi la, ke yi ɖe Tiatiawɔƒe la eye nàtia videowo ƒe hatsotso ma ƒe ŋkɔ.

  • Ne èdi be tiatiawɔƒea ƒe tiatiawo nagatrɔ yi ale si wonɔ xoxo la, ke tia Dze egɔme kple hatsotso mamlɛtɔ si ƒo.

  • Zi Dzrae Ðo dzi ne wòadzra tiatia si nèwɔ la ɖo.