Dzo kpo yi emenuwo dzi

Dzo kpo yi emenu bubu dzi

Yehowa Ɖasefowo

Eʋegbe

JW LIBRARY SIGN LANGUAGE

JW Library Sign Language Dzi Nuwo

JW Library Sign Language Dzi Nuwo

JW Library Sign Language nye Yehowa Ðasefowo ƒe dɔwɔnu. Àte ŋu awɔ tokunɔgbe me videowo ƒe kɔpi le jw.org, aɖo wo ɖe ɖoɖo nu alo aƒo wo.

Kpɔ tokunɔgbe me Biblia kple agbalẽ bubuwo ƒe videowo. Wɔ woƒe kɔpi da ɖe wò asitelefon alo tablɛt dzi ale be nàte ŋu akpɔe ne mèle internet zãm o. Video nyakpɔawo, ale si nàke ɖe wo ŋu kple wo ƒoƒo ƒe mɔnu bɔbɔeawo ado dzidzɔ na wò.

 

Ale Si Nàke Ðe Wo Ŋu Bɔbɔe

Àkpɔ Xexe Yeye Gɔmeɖeɖe Biblia ƒe agbalẽ siwo gɔme woɖe le akpa si nye Biblia. Àte ŋu akpɔ mawunyakpukpui ɖekaɖeka siwo womekpɔ ɖe ɖe go le Xexe Yeye Gɔmeɖeɖe Biblia me o gake woɖe wo gɔme le míaƒe agbalẽ bubuwo me la hã. Àkpɔ agbalẽ kple video bubu siwo woda ɖe jw.org la le akpa si nye Nudzraɖoƒe.

 

Ale Si Nàʋu Mawunyakpukpuiwo Kaba

Ne èle agbalẽ aɖe ƒe video kpɔm, eye nèdi be yeakpɔ mawunyakpukpui aɖe la, ke zi Biblia dzi. Video la atɔ ne èʋu mawunyakpukpuia le ekpɔm. Ne èkpɔ mawunyakpukpuia vɔ la, trɔ yi akpa si nye Nudzraɖoƒe la ale be video si kpɔm nèle la ŋutɔ nagate ƒoƒo.

 

Ale Si Nàwɔ Videowo Ƒe Kɔpi Bɔbɔe

Video siwo ƒe kɔpi mèkpɔ wɔ o la ƒe amadede anɔ flukpee. Zi video si nèdi la dzi ne wòawɔ eƒe kɔpi na wò tso jw.org. Ne èdi be yeawɔ video siwo katã dze le afi ma ƒe kɔpi la, zi Wɔ Wo Katã Ƒe Kɔpi dzi. Ne èdi be yeatutu video aɖe le wò mɔ̃a dzi la, zi edzi eteƒe nadidi vie (zi edzi eye wò asibidɛ nanɔ edzi).

 

Ale Si Nàwɔ Mɔ Si Li Ŋu Dɔ

Àte ŋu atiae be yeawɔ video siwo lolo (esiwo kɔ̀na wu) alo esiwo melolo o (esiwo mekɔ̀ ale o) ƒe kɔpi. Ne SD kard le wò mɔ̃a ŋu la, ke àte ŋu atiae be video siwo ƒe kɔpi nàwɔ la nanɔ mɔ̃a ŋutɔ dzi loo alo woayi ɖe SD kard la dzi.

 

Videoƒonu Si Zazã Le Bɔbɔe

Zã mɔnu bɔbɔe siawo nàtsɔ aƒo videoawo:

  • Zi asibidɛ eve ɖe edzi: Aƒo video la alo atɔe.

  • Li asi edzi yi miame: Ayi dzesidenu si kplɔe ɖo dzi.

  • Li asi edzi yi ɖusime: Ayi dzesidenu si do ŋgɔ dzi.

  • Li asi edzi yi dzi: Ana videoa ƒe dusisi nadzi ɖe edzi. (Mewɔna alea le Android dzi o.)

  • Li asi edzi yi anyime: Ana videoa ƒe dusisi dzi naɖe kpɔtɔ. (Mewɔna alea le Android dzi o.)

  • Zi edzi zi ɖeka ko: Ana videoƒonua dzi nuwo nadze.

 

Nu Siwo Gbɔna Kpuie

  •  Àte ŋu ada video siwo nàdi be yeanɔ ƒoƒom ɖe afi ɖeka

  •  Video siwo nèƒo eteƒe medidi o kpɔƒe anɔ edzi

  •  Woatsɔ tokunɔgbe bubu geɖewo akpee

  •  Awɔ dɔ le Windows 8 dzi

 

Kpekpeɖeŋu

Ne èdo go kuxi aɖe le JW Library Sign Language zazã me la, taflatsɛ kpe internet dzi kpekpeɖeŋu ƒe aɖakavi sia ɖo nàɖoe ɖa.