Dzo kpo yi emenuwo dzi

Aleke Mawɔ Sukudɔdeasi Siawo Katã?

Aleke Mawɔ Sukudɔdeasi Siawo Katã?

Nu si nàte ŋu awɔ

Di teƒe si nàsrɔ̃ nua le. Mele be toɣliɖeɖe nanɔ teƒea o. Ne anya wɔ la, zã nusrɔ̃kplɔ̃. Mègaʋu television ne èle nu srɔ̃m o.

Ɣeyiɣi le abe sɔ dzeaglã ene—ele be nàsrɔ̃ ale si nàwɔ eŋu dɔe

Wɔ nu siwo le vevie wu la gbã. Esi wònye sukunusɔsrɔ̃ le vevie ta la, ɖoe be yeawɔ yeƒe sukudɔdeasiwo gbã.

Mèganɔ megbelele hem o. Wɔ ɖoɖo koŋ ɖe wò sukudɔdeasiwo ŋu, eye nàwɔ ɖe edzi pɛpɛpɛ.

Ðoɖowɔɖi nenɔ asiwò. Tia dɔdeasi si nàwɔ gbã, esi nàwɔ evelia kple bubuawo. Ŋlɔ esiawo ɖe pepa dzi eye nàɖo ɣeyiɣi si nàzã ɖe wo dometɔ ɖe sia ɖe ŋu. Ne èwu wo dometɔ aɖe wɔwɔ nu la, te fli ɖe eme.

Ði ɖe eme vie. Ne èkpɔe be yeƒe susu megale nusɔsrɔ̃a lém tututu o la, ke ɖi ɖe eme vie. Gake gbugbɔ trɔ ɖe eŋu kaba.

Kakaɖedzi nenɔ asiwò. Ðo ŋku edzi be menye tagbɔ ɖaɖɛ ye nana ame nyea sukuvi nyui o ke boŋ veviedodonu ye. (Lododowo 10:4) Àte ŋu akpɔ dzidzedze le suku. Do vevie nu, ekema akpɔ eme kutsetse nyuiwo.