Dzo kpo yi emenuwo dzi

Dzo kpo yi emenu bubu dzi

Yehowa Ɖasefowo

Eʋegbe

Aleke Mawɔ Adze Xɔlɔ̃ Si Asɔ Nam?

Aleke Mawɔ Adze Xɔlɔ̃ Si Asɔ Nam?

Nu si nàte ŋu awɔ

Gbã la, de dzesi ame siwo ƒomevi mètea ŋu dea ha kple o

Ƒexɔxɔ:

Esesẽna nam be made ha kple ame siwo nye . . .

  • hanyetiwo

  • sɔhɛ tsitsiwo

  • ame tsitsiwo

Ŋutete:

Esesẽna nam be made ha kple ame siwo . . .

  • si ŋutete tɔxɛ le

  • nya agbalẽ

Amenyenye:

Esesẽna nam be made ha kple ame siwo . . .

  • ƒo dzi le

  • xɔ ŋkɔ

  • le ha aɖe koŋ me

Evelia, tia nya siwo le ete dometɔ si wɔ ɖeka kple ale si nèwɔa nui ne èle ame siwo nède dzesii le etame la gbɔ.

  • Mewɔa nu abe ɖe mele abe woawo ke ene.

  • Nu siwo me metsɔ ɖe le ko ŋue meƒoa nu tsoe.

  • Mezia ɖoɖui henɔa mɔnukpɔkpɔ dim be mado le wo dome kaba.

Etɔ̃lia, wɔ afɔɖeɖea gbã! Menye ɣesiaɣie wòle be nànɔ mɔ kpɔm be ame bubuwo nate ɖe ye ŋu o. Ɣeaɖewoɣi la, ele be hã nàte ɖe amewo ŋu. (Filipitɔwo 2:4) Aleke nàte ŋu awɔ esia?

Mègadze xɔlɔ̃ hawòtiwo ɖeɖe ko o. Bu eŋu kpɔ: Nu ka ta nàna wò susu nanɔ ame ƒomevi aɖewo ko ŋu, evɔ nànɔ konyi fam be xɔlɔ̃ mele ye si o? Ðeko wòanɔ abe ame aɖe si le tɔdomekpo dzi, si be dɔ le ye wum, evɔ tɔmelã geɖe le tsia me hafi ene!

Nɔnye de dzi ƒo nam be madze agbagba manɔ dze ɖom kple ame tsitsiwo le hamea me. Egblɔ be awɔ nuku nam be nu geɖe li siwo ŋu nye kpli wo míate ŋu aɖo dze tsoe hafvevitɔwoe i. Eƒe nyaa le eme, eye fifia xɔlɔ̃ geɖe le asinye!”—Helena, exɔ ƒe 20.

Srɔ̃ ale si nàɖo dze. Nu nye be (1) ɖo to, (2) bia nya, eye (3) ɖee fia be yetsɔ ɖe le eme ŋutɔŋutɔ.—Yakobo 1:19.

Mèdzea agbagba be manye toɖola, ke menye nu kpoloe ƒola o. Ne mele dze ɖom la, medzea agbagba be maganɔ nu ƒom tso ɖokuinye ŋu fũu akpa alo anɔ ame bubuwo ŋu gblẽm o.”—Serena, exɔ ƒe 18.

Ne ame aɖe le nya si ŋu nyemenya nu boo tsoe o gblɔm la, megblɔna be wòaɖe nya si gblɔm wòle la me nam. Mewɔa esia kple susu be dzeɖoɖoa nayi edzi.”—Jared, exɔ ƒe 21.

Mekpea ŋu, eya ta ɖe medzea agbagba ŋutɔ hafi tea ŋu ɖoa dze. Gake hafi nàte ŋu adze xɔlɔ̃ la, ele be nàdo vivi ɖe amewo ŋu. Esia wɔe be mete ŋu le dze ɖom kple amewo azɔ.”—Leah, exɔ ƒe 16.