Dzo kpo yi emenuwo dzi

Dzo kpo yi emenu bubu dzi

Yehowa Ɖasefowo

Eʋegbe

SƆHƐWO BIANA BE

Nu Kae Mawɔ Ne Meda Dzinyelawo Ƒe Sedede Aɖe Dzi?

Nu Kae Mawɔ Ne Meda Dzinyelawo Ƒe Sedede Aɖe Dzi?

Nu siwo nàwɔ be nyaa magagblẽ ɖe edzi o la dometɔ aɖewoe nye esiwo gbɔna:

To nyateƒe. Ne mèto nyateƒe o la, awɔe be dziwòlawo magaka ɖe dziwò o. Eya ta to nyateƒe eye nàgblɔ ale si tututu nua dzɔe.Lododowo 28:13.

  • Mègaʋli ɖokuiwò ta alo agblɔ nya aɖe wòafia be menye nu gã aɖekee dzɔ o.

  • Ðo ŋku edzi ɣesiaɣi be “nyaŋuɖoɖo fafɛ tsia dziku nu.”—Lododowo 15:1.

Ðe kuku. Asɔ be nàɖe kuku ɖe nuxaxa kple nuteɖeamedzi si nèhe va wo dzi alo nu si nèwɔ wògazu dɔ bubu na wo be woawɔ ta, eye esia wɔwɔ ate ŋu ana be woakpɔ tohehea me na wò. Ke hã, mele be wò vevesese ɖe nu si nèwɔ ta nanye alakpanu o.

Ne wohe to na wò la, lɔ̃ faa. Ne èwɔ nane eye wohe to na wò eye nèlɔ̃ xɔe faa la, aɖee fia be èle tsitsim le nuwɔna me. Nu vevitɔ si hiã koe nye be nàtrɔ asi le wò nuwɔnawo ŋu be dziwòlawo nagaka ɖe dziwò ake.—Lododowo 20:11.

Ðo ŋku edzi be dziwòlawo kpɔ mɔ ade se na wò. Eya tae Biblia ƒo nu tso “fofowò ƒe sedede” kple “dawò ƒe nufiame” ŋu ɖo.—Lododowo 6:20.

Ne dziwòlawo na ablɔɖe wò le nanewo ŋuti la

  • Dze agbagba woakpɔe le wò nuwɔnawo me be èwɔna ɖe yewoƒe sededewo dzi.

  • Dze agbagba toɖoɖo naƒo ke ɖe to ɖe mewò, esia fia be nànye ame si lɔ̃a toɖoɖo vevie tso dzi me ke eye nàɖo to hã vavã.