Dzo kpo yi emenuwo dzi

Dzo kpo yi emenu bubu dzi

Yehowa Ɖasefowo

Eʋegbe

SƆHƐWO BIANA BE

Nu Ka Tae Wòle Be Mawɔ Ðe Dzinyelawo Ƒe Sededewo Dzi?

Nu Ka Tae Wòle Be Mawɔ Ðe Dzinyelawo Ƒe Sededewo Dzi?

Anɔ eme be ènya hawòti sɔhɛ aɖewo siwo nɔa gbɔdome zã tina nyuie hafi wogbɔna, wotea ŋu doa awu sia awu si dze wo ŋu, eye wotea ŋu kplɔa wo xɔlɔ̃wo ɖo yia afi sia afi si dzro wo ɣesiaɣi faa. Ðewohĩ dɔ gbogbo siwo le dzila mawo dzie wɔe be womedea dzesi nu siwo wɔm wo viawo le o.

Biblia ɖee fia be ne dzilawo meléa ŋku ɖe wo viwo ŋu o la, womakpɔ dzidzedze le wo viwo hehe me o. (Lododowo 29:15) Amemalɔmalɔ̃ si teƒe kpɔm nèle le xexea me egbea ƒe akpa gãtɔ tso amewo ƒe ɖokuitɔdidi gbɔ, eye wohe ame siawo dometɔ geɖe le aƒe siwo me dzilawo medea se boo aɖeke na wo viwo o me.2 Timoteo 3:1-5.

Mègaɖe mɔ hawòti sɔhɛ bubuwo ƒe nuwɔnawo nadzro wò o, ke boŋ dze agbagba nàbu dziwòlawo ƒe sededewo be wonye kpeɖodzi be wolɔ̃ ye eye wotsɔ ɖe le eme na ye. Ne dziwòlawo dea se na wò le nanewo ŋuti la, ke wole Yehowa Mawu srɔ̃m. Mawu ŋutɔ hã gblɔ be:

“Mafia nu wò, eye mafia mɔ, si nato la wò; maɖo aɖaŋu na wò, eye nye ŋku anɔ ŋuwò.”—Psalmo 32:8.