Dzo kpo yi emenuwo dzi

Dzo kpo yi emenu bubu dzi

Yehowa Ɖasefowo

Eʋegbe

SƆHƐWO BIANA BE

Ame Ðɔʋue Menyea?

Ame Ðɔʋue Menyea?

 Dzro ɖokuiwò me kpɔ!

  • Ðe menye ame si . .  ɣesiaɣi, zi geɖe, ɣeaɖewoɣi alo kura o

    • ɖia anukware

    • dzi woaka ɖo

    • nɔa game dzi

    • doa vevie dɔ

    • wɔa nu ɖe ɖoɖo nu

    • kpena ɖe ame ŋu

    • toa nyateƒe

    • bua ame

    • tsɔa ɖe le eme na ame

  • Nɔnɔme sia dometɔ ka mee nèɖe dzesi le wu?

    Yi edzi nàlé eme ɖe asi goŋgoŋ.—Filipitɔwo 3:16.

  • Wo dometɔ ka ŋue wòle be nàtrɔ asi le wu?

Nya siwo gbɔna la akpe ɖe ŋuwò nànya ale si nàtrɔ asi le eŋu.

 Nu kae wòfia be ame naɖɔ ʋu?

Ame siwo ɖɔ ʋu la tsɔa agbanɔamedzi si le wo dzi le ƒomea me, suku kple nutoa me. Wodea dzesii be yewoƒe nuwɔna me tsonuwo adze ŋgɔ yewo ŋutɔ. Eya ta ne wodze agɔ la, wolɔ̃na ɖe edzi heɖea kuku eye wodzea agbagba ɖɔa nɔnɔmea ɖo.

Biblia gblɔ be: “Ame sia ame atsɔ ye ŋutɔ ƒe agbanɔamedzi.”—Galatiatɔwo 6:5.

 Nu ka tae madi be manye ame ɖɔʋu?

Sɔhɛ si ɖɔ ʋu la zãna ŋutete siwo le esi la nyuie eye wotea ŋu dea bubu deto eŋu, bunɛ ame tsitsi eye wonanɛ ablɔɖe kple mɔnukpɔkpɔwo.

Biblia gblɔ be: “Kpɔ ame si zã le eƒe dɔwɔwɔ me la ɖa, fiawoe wòasubɔ.”—Lododowo 22:29.

Zi geɖe la, ame ɖɔʋuwo tea ŋu nyoa dɔme na ame eye xɔlɔ̃kadodo nyui tea ŋu nɔa woawo kple ame bubuwo dome.

Biblia gblɔ be: “Minɔ nu nam amewo, eye amewo ana nu mi.”—Luka 6:38.

Ame si ɖɔ ʋu la tea ŋu ɖoa eƒe taɖodzinuwo gbɔ eye wòkpɔa ŋudzedze ɖe eƒe agbagbadzedzewo ŋu, eye esia nana kaka ɖe ame ɖokui dzi si da sɔ sua esi.

Biblia gblɔ be: “Ame sia ame nado nu si ye ŋutɔ ƒe dɔwɔwɔ nye la kpɔ, ekema akpɔ susu si ta wòatso aseye le eya ŋutɔ ɖokui ɖeɖe ŋu.”—Galatiatɔwo 6:4.

 Nu kae mawɔ be magaɖɔ ʋu wu?

Be nàɖo nya ma ŋu la, de dzesi nya siwo gbɔna. Wo dometɔ kae ɖɔ ale si nèsena le ɖokuiwò me?

“Evena ŋutɔ be woawɔ nu ɖe ame ŋu abe ɖevi si mate ŋu anɔ gbɔdome gaƒoƒo ɖeka pɛ hã o, negbe ɖe wòbia mɔ le Dada kple Papa gbɔ ko hafi!”—Kerri.

“Dzinyelawo ɖea mɔ nam mía kple xɔ̃nyewo míeyina ɖaɖia tsa faa.”—Richard.

“Ne mekpɔ nu si ɖevi siwo nye hanyetiwo te ŋu wɔ la, megblɔna na ɖokuinye be: ‘Ei! Nu ka tae dzinyelawo maɖe mɔ na nye hã mawɔ nu ma o?’”—Anne.

“Zi geɖe la, dzinyelawo ɖea mɔ nam mewɔa nu sia nu si medi. Medaa akpe na wo be wona ablɔɖem.”—Marina.

Nya vevitɔ: Wonaa ablɔɖe geɖe sɔhɛ aɖewo wu bubuawo. Nu kae gbɔe wòtso?

Nyateƒe matrɔmatrɔ: Ablɔɖe si sinu wona wò la nɔ te ɖe ale si gbegbe nèna woka ɖe dziwòe dzi.

Le kpɔɖeŋu me, bu nya si sɔhɛ siwo míeyɔ va yi la dometɔ eve gblɔ ŋu kpɔ.

Richard: “Ɣeaɖeɣi va yi la, dzinyelawo meka ɖe edzi be ne yewonam ablɔɖea mawɔ eŋudɔ nyuie o. Gake wova ka ɖe dzinye elabena mewɔ ablɔɖe si wonam la ŋu dɔ nyuie. Nyemeblea wo be meyina ɖe teƒe aɖe evɔ wònye teƒe bubu yim mele o alo ɣla ame siwo mía kpli wo míele yiyim la ɖe wo o. Nya lae nye be zi geɖe la, megblɔa nu si meɖo be mawɔ la na wò hafi woabiam gɔ̃ hã.”

Marina: “Zi eve koe meda alakpa na dzinyelawo kpɔ le nye agbe me, eye wòlém zi eve siawo katã. Tso ekema dzi la, meɖia anukware na dzinyelawo. Le kpɔɖeŋu me, megblɔa nya siwo katã ku ɖe nu si wɔm mele la ŋu na wo eye ne medo yi gbɔ me la, meyɔa wo nana wonyana. Fifia, woka ɖe dzinye wu.”

Nu kae nètsɔ ɖo nɔƒe vevitɔ—dɔdeasiwo loo alo modzakaɖeɖe?

Àdi be woawɔ nu ɖe ye ŋu abe Richard kple Marina enea? Ke tsɔ nya siwo gbɔna la dzro ɖokuiwò me:

ALE SI NÈNƆA AGBEE LE AƑE ME

  • Ðe nèwɔna wò aƒemedɔwo ale si dzea?

  • Ðe nèwɔna ɖe game si woɖo na wo be nànɔ gbɔgbɔm va aƒe me la dzia?

  • Ðe nèdea bubu nɔviwòwo kple dziwòlawo ŋua?

Ðe nuwɔna siawo dometɔ aɖe nye kuxi na wò si ŋu nàdi be yeatrɔ asi lea?

Biblia gblɔ be: ‘Ðo to dziwòlawo.’—Efesotɔwo 6:1.

WÒ SUKUDEDE

  • Èwua wò sukudɔdeasiwo nu ɖe game dzia?

  • Èle vevie dom nu be wò sukudodokpɔwo nanyo ɖe edzia?

  • Ðe nusɔsrɔ̃ ƒe ɖoɖowɔɖi nyui le asiwòa?

Ðe nuwɔna siawo dometɔ aɖe nye kuxi na wò si ŋu nàdi be yeatrɔ asi lea?

Biblia gblɔ be: “Nunya doa vɔvɔli.” (Nyagblɔla 7:12) Agbalẽsɔsrɔ̃ nyuie ana nunya nasu asiwò.

ALE SI AMEWO NYA WÒE

  • Èɖia anukware na dziwòlawo kple ame bubuwoa?

  • Èɖɔa ŋu ɖo le gazazã mea?

  • Ðe wonya wò be ènye ame si dzi woate ŋu aka ɖoa?

Ðe nuwɔna siawo dometɔ aɖe nye kuxi na wò si ŋu nàdi be yeatrɔ asi lea?

Biblia gblɔ be: ‘Do amenyenye yeye.’ (Efesotɔwo 4:24) Àte ŋu ana wò nɔnɔme naganyo ɖe dzi wu, eye ŋkɔ nyui nanɔ ŋuwò wu ale si wòle fifia.

Aɖaŋuɖoɖo: De dzesi wò nɔnɔme si ŋu wòahiã be nàtrɔ asi le be wòaganyo ɖe edzi wu. Ðo dze tso eŋu na ame siwo ɖea nɔnɔme sia fiana geɖe wu be woaɖo aɖaŋu na wò. Ŋlɔ mɔ ŋutɔŋutɔ siwo dzi nàto atrɔ asi le nɔnɔme ma ŋu, eye nànɔ ŋku lém ɖe ale si nèle asi trɔm le eŋu hena ɣleti ɖeka. Nɔ dzidzedze siwo kpɔm nèle kple afi siwo le sesẽm na wò la ŋlɔm ɖi. De dzesi dzidzedze siwo nèkpɔ le ɣletia ƒe nuwuwu.