Dzo kpo yi emenuwo dzi

Dzo kpo yi emenu bubu dzi

Yehowa Ɖasefowo

Eʋegbe

Nu Kae Mawɔ Ne Metsi Akogo?

Nu Kae Mawɔ Ne Metsi Akogo?

Nu si nàte ŋu awɔ

1. Wò susu nenɔ nu siwo nèwɔna nyuie dzi. (2 Korintotɔwo 11:6) Togbɔ be nanewo li mèwɔna nyuie o hã la, nu gbogbo aɖewo li nèwɔna nyuie. Ne èkpɔ nu nyui siwo nèwɔna dze sii la, ana kakaɖedzi nasu asiwò nàɖu ŋudzedzemakpɔmakpɔ ɖe ame ɖokui ŋu kple akogotsitsi dzi. Bia ɖokuiwò be, ‘Nu kawoe mewɔna nyuie?’ Bu ŋutete kple nɔnɔme nyui siwo le asiwò ŋu.

2. Tsɔ ɖe le eme na amewo ŋutɔŋutɔ. Gbã la, tsɔ ɖe le eme na ame ʋɛ aɖewo. Ðekakpui si ŋkɔe nye Jorge gblɔ be: “Amewo ƒe fɔfɔme kple ale si woƒe dɔwɔnawo le edzi yim ɖeɖe dzaa ta biabia ate ŋu akpe ɖe mía ŋu míanya wo nyuie.

Àte ŋu awɔ dzisasrã ada ɖe do si ma wò kple xɔ̃wòwo dome la dzi

Aɖaŋuɖoɖo: Mèganɔ ha dem kple ame siwo nye hawòtiwo ɖeɖe ko o. Xɔlɔ̃ vavã siwo ŋu woƒo nu tsoe le Biblia me la dometɔ aɖewo tsi wu wo nɔewo sãsãsã. Wo dometɔ aɖewoe nye Rut kple Naomi, David kple Yonatan kpakple Timoteo kple Paulo. (Rut 1:16, 17; 1 Samuel 18:1; 1 Korintotɔwo 4:17) Ðo ŋku edzi be dzeɖoɖo bia be ame sia ame nagblɔ eƒe susu. Amewo dina be woaɖo to yewo ne yewole nu ƒom. Eya ta ne dze menya ɖona na wò o la, ɖo ŋku edzi be womagblẽ dzeɖoɖoa ɖe wò ɖeka dziwò o!

3. Srɔ̃ ‘ale si nàse veve ɖe ame nu.(1 Petro 3:8) Ne mèda asi ɖe amea ƒe nyaa dzi o hã la, ɖe asi le eŋu wòagblɔ eƒe susu. Kpɔ ŋudzedze ɖe eƒe nya siwo dzi nèda asi ɖo la ŋu. Ne èsusui be ele be yeaɖɔ eƒe susu ɖo le nane gome la, ke wɔe le tufafa kple ŋuɖɔɖo me.

Aɖaŋuɖoɖo: Ƒo nu na amewo ale si nàdi be woaƒo nu na yee. Ðeko nyahehe ɖe amewo ŋu dzodzro, wo koko, wo dzudzu alo fɔbubu wo wòadze abe ame dzɔdzɔe wò ŋutɔ nènye ene, ana woaka ɖa le ŋuwò. Woalɔ̃ wò nya gbɔ wu ne ‘wò nya dzea to ɣesiaɣi.’—Kolosetɔwo 4:6.