Dzo kpo yi emenuwo dzi

Dzo kpo yi emenu bubu dzi

Yehowa Ɖasefowo

Eʋegbe

SƆHƐWO BIANA BE

Ðe Mesu Te Na Srɔ̃ɖeɖea?

Ðe Mesu Te Na Srɔ̃ɖeɖea?

Hafi nàɖo nya sia ŋu la, ele be nànya ɖokuiwò nyuie. Le kpɔɖeŋu me, bu nya siawo ŋu kpɔ:

Ƒomedodowo

Ðe nèdoa dziku ɖe wo ŋu kabakaba, ɖewohĩ zãa nya tɔamewo alo ɖea alɔme le wo ŋu ne èle nu me ɖem na woa? Aleke wobuna tso ŋuwò le go sia me? Ale si nèwɔa nu ɖe ƒowòmetɔwo ŋui la ɖe ale si nàwɔ nu ɖe srɔ̃wò ŋui fia.—Efesotɔwo 4:31.

Agbenɔnɔ

Ðe nèsea nu gɔmea alo nètea tɔ ɖe edzi ɣesiaɣi be nu si yedi la koe woawɔa? Ðe nèléa ɖokuiwò kpoo ne nya sesẽ aɖe do mo ɖa? Ègbɔa dzi ɖia? Ne ètua Mawu ƒe gbɔgbɔa ƒe kutsetse ɖo fiafia la, akpe ɖe ŋuwò nàva zu srɔ̃tɔ nyui le etsɔme.Galatiatɔwo 5:22, 23.

Ganyawo

Ðe nènyia fe zi geɖea? Ðe nètea ŋu nɔa dɔ gbɔ wɔna? Ne mètea ŋu wɔnɛ o la, ke nu ka tae? Ale si dɔa le tae? Dɔa tɔ gbɔe wòtsoa? Alo wò ŋutɔ wò nɔnɔme aɖe si ŋu wòle be nàtrɔ asi le la gbɔe wòtsoa? Ne wò ŋutɔ wò ɖeka koe li evɔ mete ŋu le ta kpɔm na wò ganyawo o la, aleke nàwɔ akpɔ ta na ƒome blibo tɔ?1 Timoteo 5:8.

Mawusubɔsubɔ

Ðe nètsona le ɖokuiwò si xlẽa Mawu ƒe Nya la, kpɔa gome le gbeƒãɖeɖedɔa kple Kristotɔwo ƒe kpekpewo mea? Ame si nàva ɖe la dze na ame si bi le mawusubɔsubɔ me ɖeɖe.Nyagblɔla 4:9, 10.

Zi ale si nèle ɖokuiwò nyam nyuie la, zi nenamae wòanɔ bɔbɔe na wò wu be nàke ɖe ame si akpɔ ŋudzedze ɖe wò nɔnɔme nyuiwo ŋu wu be wòanɔ nya hem ɖe ŋuwò la ŋu.