Dzo kpo yi emenuwo dzi

VIDEO ME NUSƆSRƆ̃WO

Biblia-gbalẽwo Ƒe Ŋgɔdonyawo

Video kpui siawo fiaa nu vevi aɖewo mí tso Biblia-gbalẽawo me nyawo kple wo ŋu nyatakaka bubuwo ŋu. Zã nusɔsrɔ̃ siawo ne woakpe ɖe ŋuwò wò Biblia xexlẽ kple nusɔsrɔ̃ naɖe vi na wò wu.

Ezra Ƒe Agbalẽa Ƒe Ŋgɔdonya

Yehowa na ŋugbe si wòdo be yeaɖe yeƒe amewo tso aboyo me le Babilon ahana woagaɖo tadedeagu vavãtɔ anyi le Yerusalem la va eme.

Esta Ƒe Agbalẽa Ƒe Ŋgɔdonya

Nu wɔdɔɖeamedzi siwo dzɔ le Esta ŋɔli ado ŋusẽ wò xɔse nàkpɔe be ŋusẽ le Yehowa Mawu si be wòaɖe eƒe amewo tso xaxa me.

Hiob Ƒe Agbalẽa Ƒe Ŋgɔdonya

Ame siwo katã lɔ̃ Yehowa ato dodokpɔwo me. Hiob ƒe ŋutinyaa na kakaɖedzi mí be míate ŋu awɔ nuteƒe na Yehowa ahanɔ eƒe dziɖuɖu ƒe akpa dzi sesĩe.

Psalmowo Ƒe Agbalẽa Ƒe Ŋgɔdonya

Psalmowo ɖee fia be Yehowae dze aɖu dzi, ekpena ɖe ame siwo lɔ̃nɛ ŋu hefaa akɔ na wo, eye be eƒe Fiaɖuƒea ahe tɔtrɔ gãwo ava xexea me.

Lododowo Ƒe Agbalẽa Ƒe Ŋgɔdonya

Àkpɔ Mawu ƒe mɔfiame siwo ɖea vi le agbemenya ɖe sia ɖe kloe me la le Lododowo ƒe agbalẽa me​—tso asitsanyawo dzi va yi ƒomenyawo dzi.

Nyagblɔla Ƒe Agbalẽa Ƒe Ŋgɔdonya

Fia Salomo he susu yi nu siwo le vevie wu le agbe me dzi eye wòɖee fia be wonyo sãsãsã wu nu siwo tsi tsitre ɖe mawumenunya ŋu.

Hawo Ƒe Ha Ƒe Agbalẽa Ƒe Ŋgɔdonya

Woɖɔ lɔlɔ̃ vavã si nɔ Sunem-ɖetugbuia si na alẽkplɔvia la be enye “Yah ƒe dzoƒaɖe.” Nu ka tae?

Yesaya Ƒe Agbalẽa Ƒe Ŋgɔdonya

Yesaya ƒe agbalẽa nye nyagblɔɖigbalẽ si ŋu kakaɖedzi le, si ate ŋu ana nàka ɖe edzi bliboe be Yehowa nye Mawu si nana eƒe ŋugbedodowo vaa eme kple wòganye Mawu si gbɔ míaƒe xɔxɔ tso.

Yeremiya Ƒe Agbalẽa Ƒe Ŋgɔdonya

Yeremiya lé fɔ ɖe eƒe nyagblɔɖidɔa ŋu nuteƒewɔwɔtɔe togbɔ be eto nɔnɔme sesẽwo me hã. Bu ale si eƒe kpɔɖeŋua ate ŋu aɖe vi na Kristotɔwo egbea ŋu kpɔ.

Konyifahawo Ƒe Agbalẽa Ƒe Ŋgɔdonya

Nyagblɔɖila Yeremiyae ŋlɔ Konyifahawo ƒe agbalẽa. Eŋlɔ ale si gbegbe wòle blanui esime wotsrɔ̃ Yerusalem kple ale si dzimetɔtrɔ hea Yehowa ƒe nublanuikpɔkpɔ vanɛ.

Ezekiel Ƒe Agbalẽa Ƒe Ŋgɔdonya

Ezekiel bɔbɔ eɖokui hewɔ dɔ siwo katã Mawu de asi nɛ la dzinɔameƒotɔe, aleke kee woɖasesẽe o. Nufiame geɖe le eƒe kpɔɖeŋua me na mí egbea.

Daniel Ƒe Agbalẽa Ƒe Ŋgɔdonya

Daniel kple eƒe zɔhɛawo lé nuteƒewɔwɔ me ɖe asi na Yehowa le nɔnɔme ɖe sia ɖe me. Kpɔɖeŋu si woɖo kpakple nyagblɔɖiawo me vava ate ŋu aɖe vi na mí fifia le nuwuɣi sia me.

Hosea Ƒe Agbalẽa Ƒe Ŋgɔdonya

Nufiame vevi aɖewo le Hosea ƒe nyagblɔɖia me na mí egbea ku ɖe ale si Yehowa kpɔa nublanui na nu vɔ̃ wɔla siwo trɔ dzi me kpakple subɔsubɔ si dzea eŋu ŋu.

Amos Ƒe Agbalẽa Ƒe Ŋgɔdonya

Yehowa zã ŋutsu ɖokuibɔbɔla sia tsɔ wɔ dɔ veviwo. Nufiame vevi kawoe míate ŋu asrɔ̃ tso Amos ƒe kpɔɖeŋua me?

Obadiya Ƒe Agbalẽa Ƒe Ŋgɔdonya

Eyae nye agbalẽ suetɔ kekeake le Hebri Ŋɔŋlɔawo dome. Nyagblɔɖia naa mɔkpɔkpɔ ame eye eɖee fia kɔtɛ be woado Yehowa ɖe dzi be eya koe dze anye fia.

Yona Ƒe Agbalẽa Ƒe Ŋgɔdonya

Nyagblɔɖilaa lɔ̃ Mawu ɖɔe ɖo, ewɔ dɔ si Mawu de esi, eye wòsrɔ̃ nu vevi aɖe tso Mawu ƒe lɔlɔ̃ si nu metsina o kple eƒe nublanuikpɔkpɔ ŋu. Nuxexlẽ tso nu siwo me wòto ŋu awɔ dɔ ɖe dziwò.

Nahum Ƒe Agbalẽa Ƒe Ŋgɔdonya

Nyagblɔɖia na míeka ɖe edzi be Yehowa nana eƒe nyawo katã vaa eme, eye efaa akɔ na ame siwo katã di vevie be yewoakpɔ ŋutifafa kple xɔname le eƒe Fiaɖuƒea te.

Habakuk Ƒe Agbalẽa Ƒe Ŋgɔdonya

Míate ŋu aka ɖe edzi be ɣeawokatãɣi la, Yehowa nya ɣeyiɣi nyuitɔ si dzi wòaxɔ na eƒe amewo kple mɔ nyuitɔ si nu wòawɔe le.

Malaki Ƒe Agbalẽa Ƒe Ŋgɔdonya

Enye nyagblɔɖigbalẽ si ƒo nu tso Yehowa ƒe mɔfiame veviwo, eƒe nublanuikpɔkpɔ kple eƒe lɔlɔ̃ siwo metrɔna o ŋu. Nufiame veviwo hã le nyagblɔɖigbalẽ sia me siwo akpe ɖe mía ŋu le nɔnɔme siwo me tom míele egbea la me.

Mateo Ƒe Agbalẽa Ƒe Ŋgɔdonya

Srɔ̃ nyateƒenya vevi aɖewo tso Biblia gbalẽ sia si nye Nyanyuigbalẽ eneawo ƒe gbãtɔ ŋu.

Marko Ƒe Agbalẽa Ƒe Ŋgɔdonya

Marko ƒe agbalẽa, si nye Nyanyuigbalẽ eneawo ƒe suetɔ la, na míekpɔ ale si Yesu ƒe dziɖuɖu anɔ ne eva zu Mawu Fiaɖuƒea ƒe Fia.

Luka Ƒe Agbalẽa Ƒe Ŋgɔdonya

Nya kawoe le Luka ƒe Nyanyuigbalẽa me siwo medze le Nyanyuigbalẽ bubuawo me o?

Yohanes Ƒe Agbalẽa Ƒe Ŋgɔdonya

Yohanes ƒe agbalẽa ɖe lɔlɔ̃ si le Yesu si na amegbetɔwo la fia, eƒo nu tso ɖokuibɔbɔ ƒe kpɔɖeŋu si Yesu ɖo ɖi la ŋu, eye wòɖee fia be eyae nye Mesia—si anye Mawu Fiaɖuƒea ƒe Fia.

Apostolowo Ƒe Dɔwɔwɔwo Ƒe Agbalẽa Ƒe Ŋgɔdonya

Kristotɔ gbãtɔwo ku kutri vevie be yewoawɔ dukɔwo katã me tɔwo woanye nusrɔ̃lawo. Dɔwɔwɔwo ƒe agbalẽa ana dzo yeye nagaɖo mewò ɖe gbeƒãɖeɖedɔa ŋu eye nàwɔe veviedodotɔe.

Romatɔwo Ƒe Agbalẽa Ƒe Ŋgɔdonya

Mɔfiame siwo tso Yehowa gbɔ ku ɖe ale si wòwɔa nu ɖe amewo ŋu ameŋkumemakpɔmakpɔe kple ale si gbegbe Yesu Kristo dzi xɔxɔ se le vevie la ŋu.

Korintotɔwo Ƒe Agbalẽ Gbãtɔ Ƒe Ŋgɔdonya

Aɖaŋuɖoɖo siwo tso Mawu gbɔ, siwo dometɔ aɖewo ku ɖe ɖekawɔwɔ, agbe nyui nɔnɔ, lɔlɔ̃ si nu metsina o, kple tsitretsitsi ŋuti nufiafiaa ŋu lae le agbalẽ sia si Paulo ŋlɔ la me.