Dzo kpo yi emenuwo dzi

Dzo kpo yi emenu bubu dzi

Yehowa Ɖasefowo

Eʋegbe

Nu Ka Tae Woyɔ Yesu Be Mawu Ƒe Vi?

Nu Ka Tae Woyɔ Yesu Be Mawu Ƒe Vi?

Ale si Biblia ɖo eŋui

Mawu meɖe nyɔnu ŋutɔŋutɔ si dzia viwo nɛ o. Gake eyae nye nu gbagbewo katã Wɔla. (Nyaɖeɖefia 4:11) Eya ŋuti woyɔ Adam, amegbetɔ gbãtɔ si Mawu wɔ la, be “Mawu ƒe vi” ɖo. (Luka 3:38) Nenema ke Biblia gblɔ be Mawue wɔ Yesu. Ema tae woyɔ Yesu hã be “Mawu ƒe Vi” ɖo. (Yohanes 1:49)

Mawu wɔ Yesu hafi va wɔ Adam. Apostolo Paulo gblɔ tso Yesu ŋu be: “Eyae nye Mawu makpɔmakpɔ la ƒe nɔnɔme, nuwɔwɔwo katã ƒe ŋgɔgbevi la.” (Kolosetɔwo 1:15) Yesu dze agbenɔnɔ gɔme xoxoxo hafi wova dzii ɖe lãnuɖunu me le Betlexem. Le nyateƒe me la, Biblia gblɔ be Yesu “dzɔɣi tso tititi le gbe aɖe gbe ʋĩ ke.” (Mixa 5:1) Yesu, ame si nye Mawu ƒe Vi gbãtɔ, nye gbɔgbɔmenuwɔwɔ le dziƒo hafi wova dzii wònye amegbetɔ nɔ anyigba dzi. Yesu ŋutɔ gblɔ be: “Meɖi tso dziƒo va.”—Yohanes 6:38; 8:23.