Ale si Biblia ɖo eŋui

Mawu Fiaɖuƒea ava xɔ ɖe amegbetɔwo ƒe dziɖuɖuwo katã teƒe eye wòaɖu anyigba bliboa dzi. (Daniel 2:44; Nyaɖeɖefia 16:14) Ne esia nya va eme ko la, ke Mawu Fiaɖuƒea. . .

  • Aɖe ame vɔ̃ɖi siwo ƒe ɖokuitɔdidinuwɔnawo gblẽa nu le mía ŋu la ɖa. “Woatsrɔ̃ ame vɔ̃ɖiwo ɖa le anyigba dzi.”—Lododowo 2:22.

  • Atsi aʋawɔwɔ nu tegbee. “[Mawu atsi] aʋawɔwɔwo nu va se ɖe anyigba ƒe mlɔenu ke.”—Psalmo 46:9.

  • Ahe nunyoname kple dedienɔnɔ ava anyigba dzi. “Ame sia ame abɔbɔ nɔ anyi ɖe eƒe wainka kple eƒe gboti te bɔkɔɔ.”—Mixa 4:4.

  • Ana anyigba nazu paradiso. “Gbegbe kple gbedadaƒo akpɔ dzidzɔ, tagba atso aseye, eye wòaƒo se abe dzogbenya ene.”—Yesaya 35:1.

  • Ana ame sia ame nakpɔ dɔ nyui awɔ eye woƒe dzi adze eme. “[Mawu ƒe] ame tiatiawo aɖu woawo ŋutɔ ƒe asinudɔwɔwɔwo. Womadze agbagba dzodzro o.”—Yesaya 65:21-23.

  • Aɖe dɔléle ɖa keŋkeŋ. “Duametɔ aɖeke magblɔ be, yele dɔ lém o.”—Yesaya 33:24.

  • Aɖe amegãkuku ɖa. “Ekema dzo aɖo eƒe lãme abe ɖekakpui ene, eye wòagaɖo eƒe ɖekakpuiŋkekewo me.”—Hiob 33:25.

  • Agbɔ agbe ame kukuwo. “Ame siwo katã le ŋkuɖodziyɔdowo me la ase [Yesu ƒe] gbe, eye woado go.”—Yohanes 5:28, 29.