Dzo kpo yi emenuwo dzi

Dzo kpo yi emenu bubu dzi

Yehowa Ɖasefowo

Eʋegbe

Ame Ŋuti Nyatakakawo Ta Kpɔkpɔ Ƒe Ðoɖo

Ame Ŋuti Nyatakakawo Ta Kpɔkpɔ Ƒe Ðoɖo

Yehowa Ðasefowo ƒe habɔbɔa dea bubu gome si le amewo si be woakpɔ wo ŋuti nyatakakawo ta la ŋu le ɖekawɔwɔ me kple Biblia ƒe mɔfiamewo. Habɔbɔa kpɔ ale si dzeɖoɖo faa naneke maɣamaɣlae kple amewo ŋuti nyatakaka veviwo xɔxɔ be woatsɔ akpɔ Yehowa Ðasefowo ƒe hiahiãwo gbɔ, woawɔ woƒe mawusubɔsubɔ kple dɔmenyo dɔwo ade goe ƒe vevienyenye kple ale si wòle vevie be womagaʋu go amewo ŋuti nya ɣaɣlawo o ahakpɔ egbɔ be wokpɔ nyatakakawo ta nyuie wole dedie la dze sii. (Lododowo 15:22; 25:9) Míedea asixɔxɔ gã aɖe amewo ŋuti nyatakakawo ta kpɔkpɔ ŋu.​—Lododowo 20:19.

Dukɔ geɖewo de sewo be woatsɔ akpɔ amewo ŋuti nyatakakawo ta. Yehowa Ðasefowo ƒe habɔbɔa ya kpɔa gome si le amewo si be woade bubu wo ŋuti nyatakakawo ŋu ahakpɔ wo ta la ta xoxoxo hafi dukɔ mawo va de se siawo gɔ̃ hã. Yehowa Ðasefowo ƒe habɔbɔa ayi edzi anɔ amewo ŋuti nyatakaka siwo wòxɔ la ta kpɔm abe ale si wòwɔnɛ xoxo ene, eye esia dze le nyati sia me.

Ame Siwo Ðoɖo La Bla

Ðoɖo sia bla Yehowa Ðasefowo ƒe habɔbɔ bliboa, eye alɔdzedɔwɔƒewo le habɔbɔ sia teƒe le dukɔ vovovowo me le xexea me godoo.

Amewo Ŋuti Nyatakakawo Ta Kpɔkpɔ

Yehowa Ðasefowo ƒe habɔbɔa wɔa amewo ŋuti nyatakakawo katã ŋu dɔ le mɔ siwo gbɔna nu:

  1. Ewɔa amewo ŋuti nyatakakawo ŋu dɔ le mɔ si sɔ hele se nu la nu.

  2. Exɔa amewo ŋuti nyatakakawo hewɔa wo ŋu dɔ le mɔ siwo hiã be woatsɔ awɔ Yehowa Ðasefowo ƒe mawusubɔsubɔ kple dɔmenyo dɔwo la ɖeɖe ko nu.

  3. Ekpɔa egbɔ be amewo ŋuti nyatakakawo de pɛpɛpɛ eye wòtrɔa asi le wo ŋu ne yeyewo va kpee. Ne habɔbɔa nya nya nu tso vodada aɖe ŋu ko la, eɖɔnɛ ɖo enumake.

  4. Ɣeyiɣi didi si amewo ŋuti nyatakaka siawo hiã na habɔbɔa be wòatsɔ awɔ nu siwo ta wòxɔ wo ɖo la koe wòadzra wo ɖo ase ɖo.

  5. Habɔbɔa dea asixɔxɔ gã aɖe gome si le amewo si be woakpɔ woƒe nyatakakawo ta la ŋu.

  6. Habɔbɔa ɖea afɔ siwo hiã le mɔ̃ɖaŋununya kple hakplɔɖoɖowo gome tsɔ kpɔa egbɔ be womeʋu go amewo ŋuti nyatakakawo le mɔ si mele se nu o la nu o. Wodaa mɔʋunya ɖe kɔmpiuta siwo katã dzi amewo ŋuti nyatakakawo le la dzi ale be ame siwo si mɔʋunya mawo le koe kpɔ mɔ aʋu wo. Wodoa dɔwɔxɔwo alo ɔfisiwo ƒe ʋɔtruwo ne wokpã le dɔ me eye dɔwɔla siwo kpɔ mɔ koe ate ŋu aʋu wo.

  7. Alɔdzedɔwɔƒewo menɔa amewo ŋuti nyatakakawo ɖom ɖe wo nɔewo o negbe ɖe Yehowa Ðasefowo ƒe habɔbɔa hiã wo be wòatsɔ awɔ eƒe mawusubɔsubɔ kple dɔmenyo dɔwo, eye Yehowa Ðasefowo katã lɔ̃ ɖe esia dzi esi woawo ŋutɔ lɔ̃ faa tso nya me be yewoazu Yehowa Ðasefowo heyɔa wo ɖokuiwo alea ta.

Ame Siwo Ŋuti Nyatakakawo Míexɔna Ƒe Gomenɔamesiwo

  1. Gome le ame siwo ŋuti nyatakaka míexɔna la si be míakpɔ woƒe nyatakakawo kple wo ŋuti nya veviwo ta, atrɔ asi le wo ŋu loo alo aɖe wo ɖa, eye míedea bubu gome sia ŋu le ɖekawɔwɔ me kple Yehowa Ðasefowo ƒe ɖoɖo siwo dze le nyati sia me.

  2. Ne ame aɖe bia nane le ɖoɖo si le akpa sia nu la, ele be wòana eŋuti nya vevi siwo aɖo kpe edzi kɔtɛe be eya tututue le nu la biam.

  3. Ne ame aɖe si ŋuti nyatakaka le habɔbɔa gbɔ bia be woana yeanya nyatakakawo, woatrɔ asi le wo ŋu alo aɖe wo ɖa kura la, habɔbɔa ada amea ƒe biabiaa kpɔ nyuie be ewɔ ɖeka kple habɔbɔa ƒe mawusubɔsubɔ ƒe ɖoɖowo mahã, nu siwo esia lɔ ɖe eme la dometɔ ɖekae nye be woabu eŋu kpɔ nenye be amea ƒe biabia ade habɔbɔa ƒe mawusubɔsubɔ kple subɔsubɔwɔnawo ƒe ablɔɖe afɔku me.

  4. Enye habɔbɔa ƒe didi be yeadzra ame siwo nye Yehowa Ðasefowo ŋuti nyatakakawo ɖo woanɔ anyi ɖaa. Nyatakaka siawo ɖeɖe ɖa ado kplamatsɛ habɔbɔa ƒe mawudzixɔsewo kple subɔsubɔwɔnawo madzemadzee.

Nyanyanana Tso Nyatakakawo Zazã Ŋu Ƒe Gome

Ne ame aɖe susui be wozã ye ŋuti nyatakakawo madzemadzee la, ate ŋu aŋlɔ agbalẽ atsɔ ana nyanya Alɔdzekɔmitia. Ele be wòaɖo agbalẽ sia ɖa le nua dzɔdzɔ ƒe kwasiɖa eve me.