Dzo kpo yi emenuwo dzi

Dzo kpo yi emenuawo dzi

 NYATI SI LE AKPAA DZI | NU KAE NYE NUNANA NYUITƆ KEKEAKE?

“Emae Nye Nunana Nyuitɔ Kekeake Si Mexɔ Kpɔ”

“Emae Nye Nunana Nyuitɔ Kekeake Si Mexɔ Kpɔ”

Nenemae nyɔnuvi aɖe si xɔ ƒe 13 gblɔ esi wona avuvi aɖee. Nyɔnu asitsalagã aɖe gblɔ be kɔmpiuta aɖe si ye fofo na ye esi yenɔ sekɛndrisuku (lycée) la na agbea va dze edzi na ye. Ŋutsu aɖe si ɖe srɔ̃ medidi o kpɔe be agbalẽvi nyui aɖe si ye srɔ̃ ŋutɔ wɔ tsɔ na ye le yewoƒe srɔ̃ɖezã gbãtɔ dzi lae nye nunana nyuitɔ kekeake si yexɔ kpɔ.

Ƒe sia ƒe la, ame geɖe kua kutri eye wozãa ɣeyiɣi nɔa nunana “nyui” aɖe si woana wo xɔlɔ̃ alo ƒometɔ aɖe le ŋkeke tɔxɛ aɖe dzi la ŋu bum. Eye ame geɖe siwo naa nu amewo adi be amewo nagblɔ nya siwo ame siwo ŋu míeƒo nu tsoe va yi la gblɔ. Ke wò ya ɖe? Àdi be yeana nu ame aɖe si ŋu wòakpɔ ŋudzedze ɖo alo wò ŋutɔ nàxɔ nunana aɖe si ŋu nàkpɔ ŋudzedze ɖoa?

Ne edzɔ alea la, menye ɖeko wòana dzi nadzɔ ame si wona nua ko evɔ o, ke boŋ ale si nua nala hã ase le eɖokui me le vevie. Biblia gɔ̃ hã gblɔ be: “Dzidzɔ geɖe le nunana me wu nuxɔxɔ.” (Dɔwɔwɔwo 20:35) Gake ne ame si xɔ nua de asixɔxɔ nunanaa ŋu la, enana ame si na nua gakpɔa dzidzɔ wu.

Ke nu kae nàwɔ be nu siwo nàna amewo nana wò ŋutɔ kple ame siwo nèna nuae siaa nakpɔ dzidzɔ vavãtɔ? Eye ne manya wɔ be nàna nu “nyui” aɖe ame aɖe o la, nu kae nàte ŋu awɔ be amewo nakpɔ dzidzɔ ɖe nu siwo nàte ŋu ana wo la ŋu?