Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Gbetakpɔxɔ  |  August 2015

Biblia Me Biabiawo Ƒe Ŋuɖoɖowo

Biblia Me Biabiawo Ƒe Ŋuɖoɖowo

Agbea katã koe nye esia?

Ðe wòwɔna na wò ɣeaɖewoɣi be agbea le kpuie akpa?

Ðe nèbia ɖokuiwò kpɔ be fefe, dɔwɔwɔ, srɔ̃ɖeɖe, ɖeviwo nyinyi kpakple tsitsi aku amegã ta koe míele agbea ɖoa? (Hiob 14:1, 2) Biblia na míenya be ame siwo ƒe nunya ɖe dzesi la gɔ̃ hã bu nya mawo ŋu va yi.—Xlẽ Nyagblɔla 2:11.

Tameɖoɖo aɖe tae míele agbe ɖoa? Be míakpɔ ŋuɖoɖoa la, ele be míabia be, Aleke míewɔ va dzɔ? Esi ame geɖe bu ale si wotrɔ asi le míaƒe ahɔhɔ̃ kple ameti bliboa ŋui ŋu la, woƒo nya ta be Wɔla nyanu aɖee wɔ mí. (Xlẽ Psalmo 139:14.) Ne ele alea la, ke susu aɖe kokoko tae wòwɔ mí ɖo! Ne ènya susu si tae wòwɔ mí la, ate ŋu ana taɖodzinu vavã nanɔ wò agbe ŋu.

Nu ka tae wowɔ amegbetɔwo ɖo?

Mawu yra atsu kple asi gbãtɔ eye wòna dɔ si me dzidzeme le wo. Tame si wòɖo ɖe wo ŋue nye be woadzi ayɔ anyigba la dzi, ana wòazu paradiso, eye woanɔ agbe tegbee.—Xlẽ 1 Mose 1:28, 31.

Mawu ƒe tameɖoɖoa he ɖe megbe esi amegbetɔwo dze aglã ɖe eƒe dziɖuɖu ŋu. Gake Mawu megbe mí o, eye tame si wòɖo ɖe mía ŋu hã metrɔ o. Biblia ka ɖe edzi na mí be Mawu le nu siwo hiã la wɔm be yeaɖe nuteƒewɔlawo, eye tame si yeɖo ɖe míaƒe anyigba ŋu hã ava eme! Eya ta Mawu di be nàse vivi na agbea abe ale si yeɖoe tso gɔmedzedzea me ene! (Xlẽ Psalmo 37:29.) Srɔ̃ nu tso nu si nàwɔ be Mawu ƒe tameɖoɖoa naɖe vi na wò la ŋu le Biblia me.