Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Gbetakpɔxɔ  |  May 2015

 NYATI SI LE AKPAA DZI | ÐE NUWUWUA GOGOA?

Ame Geɖe Atsi Agbe Ne Nuwuwua Va—Wò Hã Ate Ŋui

Ame Geɖe Atsi Agbe Ne Nuwuwua Va—Wò Hã Ate Ŋui

Biblia na míenya be ame geɖe atsrɔ̃ ne nuwuwua va, elabena egblɔ be: “Xaxa gã si tɔgbi meva kpɔ tso xexea ƒe gɔmedzedze va se ɖe fifia o la ava . . . Le nyateƒe me la, ne wometso ŋkeke mawo dzi o la, ŋutilã aɖeke makpɔ ɖeɖe o.” (Mateo 24:21, 22) Ke hã, Mawu do ŋugbe be ame geɖewo atsi agbe, elabena Biblia gblɔ be: “Xexea . . . nu va yina, ke ame si wɔa Mawu ƒe lɔlɔ̃nu la nɔa anyi yi ɖe mavɔmavɔ me.”—1 Yohanes 2:17.

Ne èdi be yeatsi agbe le xexe sia ƒe nuwuwu ‘ahanɔ anyi yi ɖe mavɔmavɔ me’ la, nu kae wòle be nàwɔ? Ðe wòle be nànɔ nu siwo ahiã wò la nu ƒom ƒu alo anɔ dzadzra ɖo wɔm ɖe ŋutilãmenu bubuwo ŋua? Ao. Biblia xlɔ̃ nu mí vevie be míabu nu bubu si le vevie wu la ŋu. Egblɔ be: “Esi woalólo nu siawo katã alea ta la, mibu ame siwo ƒomevi wòle be mianye le agbe kɔkɔe nɔnɔ kple ɖokuitsɔtsɔ na Mawu me ŋu, esi miele lalam eye miaƒe susu le Yehowa ƒe ŋkeke la ƒe vava ŋu vevie.” (2 Petro 3:10-12) Nya siwo ƒo xlã nya sia ɖee fia be “nu siawo katã,” siwo woalólo la ku ɖe dziɖuɖu siwo le xexe gblẽku sia me kple ame siwo katã dea wo dzi, le esi teƒe be woanɔ Mawu ƒe akpa dzi la ŋu. Eme kɔ ƒãa be, ne míeƒo nunɔamesiwo nu ƒu na mía ɖokuiwo la, nu mawo maxɔ mí ɖe agbe le tsɔtsrɔ̃ ma me o.

Le nyateƒe me la, ehiã be míatsɔ mía ɖokuiwo ana Yehowa Mawu eye míasrɔ̃ agbenɔnɔ kple nuwɔna siwo dzea eŋu. (Zefaniya 2:3) Menye fifiae wòle be míadze amehawo yome ahaŋe aɖaba aƒu nuxlɔ̃amedzesi siwo ɖee fia kɔtɛ be míele ɣeyiɣi vevi aɖe me la dzi o, ke boŋ ele be ‘wò susu nanɔ Yehowa ƒe ŋkeke la ƒe vava ŋu vevie.’ Yehowa Ðasefowo ate ŋu atsɔ nu siwo nàwɔ be nàtsi agbe le ŋkeke ma dzi la afia wò le Biblia me.