Dzo kpo yi emenuwo dzi

Dzo kpo yi emenuawo dzi

Biblia Me Biabiawo Ƒe Ŋuɖoɖowo

Biblia Me Biabiawo Ƒe Ŋuɖoɖowo

Aleke amegbetɔƒomea ƒe etsɔme anɔ?

Aleke Yesu ƒe kua na habɔbɔ aɖe si me tɔwo tsɔa ɖe le eme na wo nɔewo la va li?

Amegbetɔwo anɔ ŋgɔyiyi wɔm le dzɔdzɔmeŋutinunya me godoo. Gake ɖe woate ŋu ato woƒe agbagbadzedzewo me ana ame sia ame nava lɔ̃ nɔvia tso dzi blibo me gbe ɖeka? Ao. Egbea, ɖokuitɔdidi kple ŋukeklẽ ɖo amegbetɔwo abe axɔ̃ ene. Ke hã, tameɖoɖo nyui aɖe le Mawu si na amegbetɔƒomea.Xlẽ 2 Petro 3:13.

Nya si Mawu ƒe Nyaa gblɔ le ale si nuwo ava nɔ na ameƒomea le etsɔme ŋue nye be ame sia ame alɔ̃ nɔvia. Woanɔ anyi bɔkɔɔ ahanɔ dedie, eye ame aɖeke mawɔ nu vevi wo o.Xlẽ Mika 4:3, 4.

Aleke Mawu aɖe ɖokuitɔdidi ƒe gbɔgbɔ ɖa le amegbetɔwo me?

Esi Mawu wɔ amegbetɔ le gɔmedzedzea me la, ɖokuitɔdidi ƒe gbɔgbɔ aɖeke menɔ eme o. Gake esi ame gbãtɔ ɖoe koŋ gbe toɖoɖo Mawu la, esia wɔe be wòzu ame madeblibo. Eya ta míenyi ɖokuitɔdidi ƒe gbɔgbɔa dome tso egbɔ. Ke hã, Mawu ana Yesu nakpe ɖe amegbetɔƒomea ŋu woagade blibo ake, abe ale si wònɔ le gɔmedzedzea me ene.Xlẽ Romatɔwo 7:21, 24, 25.

Yesu tsɔ eɖokui sa vɔ ɖe mía ta le ɖekawɔwɔ me kple Mawu ƒe lɔlɔ̃nu, eye esia na wotsɔ kufia si wotso na ameƒomea bliboa le ame gbãtɔ ƒe tomaɖomaɖo ta la ke mí. (Romatɔwo 5:19) Eya ta Yesu na be etsɔme wɔnuku aɖe le ŋgɔ na amegbetɔwo le esi me ɖokuitɔdidi ƒe gbɔgbɔ maganɔ wo me o.Xlẽ Psalmo 37:9-11.