Dzo kpo yi emenuwo dzi

Dzo kpo yi emenuawo dzi

Ðe Subɔsubɔha Aɖe Li Si Dzi Nàte Ŋu Aka Ðoa?

Ðe Subɔsubɔha Aɖe Li Si Dzi Nàte Ŋu Aka Ðoa?

Ne subɔsubɔha aɖewo ƒe nuwɔna ɖe dzi le ƒowò la, ke asesẽ na wò be nàgaka ɖe subɔsubɔha aɖe dzi. Gake kakaɖedzi nenɔ asiwò be subɔsubɔha aɖe li si dzi nàte ŋu aka ɖo. Esi Yesu nɔ anyigba dzi la, nuteƒewɔla aɖewo dze eyome eye wòfia nu wo be woanɔ agbe ɖe Mawu ƒe dzidzenuwo nu. Kristo yomedzela vavãwo li egbea hã; ame siwo dzea agbagba vevie be yewoanɔ agbe ɖe nu siwo Kristo fia la nu. Afi kae nàkpɔ wo le?

Estelle, si ŋu míeƒo nu tsoe le nyati evelia me la gblɔ be: “Yehowa Ðasefowoe va kpe ɖe ŋunye medze Biblia sɔsrɔ̃ gɔme. Eteƒe medidi hafi mese Yohanes 8:32 me nyawo gɔme o; afi si gblɔ be: ‘Miadze si nyateƒe la, eye nyateƒe la ana ablɔɖe mi.’”

Ray, si ŋu míeƒo nu tsoe le nyati etɔ̃lia me hã gblɔ be: “Biblia sɔsrɔ̃ kple Yehowa Ðasefowoe na meva kpɔe be menye Mawu gbɔe amegbetɔwo ƒe fukpekpewo tso o. Edzɔ dzi nam be meva nya be susu nyui aɖe tae Mawu ɖe mɔ vɔ̃ɖinyenye li ɖo, eye wòdo ŋugbe be yeava ɖee ɖa kpuie.”

Mele bɔbɔe be woalé agbe nyui nɔnɔ me ɖe asi le xexe sia si me agbe nyui nɔnɔ yi to le kura la me o. Gake anya awɔ. Ame geɖe lɔ̃ be woakpe ɖe yewo ŋu yewoase Biblia ƒe mɔfiamewo gɔme ahanɔ agbe ɖe enu. Esia tae Yehowa Ðasefowo wɔa aƒe me Biblia nusɔsrɔ̃ kple ame miliɔn geɖewo le xexea me godoo femaxee ɖo. Kwasiɖa sia kwasiɖa la, ame gbogbo aɖewo srɔ̃a nu si tututu Biblia fia. Esia na wole tetem ɖe wo Wɔla la ŋu hele dzidzɔ geɖe kpɔm. *

Àte ŋu abia Yehowa Ðasefowo woaɖe nu si tae woka ɖe woƒe subɔsubɔhaa dzi la me na wò.

Ne ègado go Yehowa Ðasefo aɖe la, àte ŋu abiae wòaɖe nu si tae woka ɖe woƒe subɔsubɔhaa dzi la me na wò. Dzro woƒe nufiafiawo me eye nàlé ŋku ɖe woƒe agbenɔnɔ ŋu. Ekema àte ŋu atso nya me na ɖokuiwò le subɔsubɔha si dzi nàte ŋu aka ɖo ŋu.

^ mm. 5 Ne èdi nyatakaka bubuwo la, ekema kpɔ agbalẽ si nye Nuka Tututue Nye Biblia ƒe Nufiafia? Yehowa Ðasefowoe tae.