Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Gbetakpɔxɔ  |  February 2013

Biblia Me Biabiawo Ƒe Ŋuɖoɖowo

Biblia Me Biabiawo Ƒe Ŋuɖoɖowo

Aleke Abosam wɔ va dzɔ?

Mawu mewɔ Abosam o, ke boŋ ewɔ mawudɔla si va wɔ eɖokui Abosam, si wogayɔna be Satana la. Yesu ƒe nyawo ɖee fia be Abosam nye anukwareɖila kple ame maɖifɔ kpɔ va yi. Eya ta tsã la, Abosam nye Mawu ƒe dɔla dzɔdzɔeawo dometɔ ɖeka.—Xlẽ Yohanes 8:44.

Aleke wòdzɔe be mawudɔla aɖe va zu Abosam?

Mawudɔla si va zu Abosam la tiae be yeadze aglã ɖe Mawu ŋu, eye wòble mía dzila gbãtɔwo hã kpe ɖe eɖokui ŋu. Eto esia dzi wɔ eɖokui Satana, si gɔmee nye “Tsitretsiɖeŋula.”—Xlẽ 1 Mose 3:1-5; Nyaɖeɖefia 12:9.

Abe ale si wòle le Mawu ƒe nuwɔwɔ bubu siwo si nunya le gome ene la, ablɔɖe le mawudɔla si va zu Abosam la hã si be wòatiae nenye be yeawɔ nu nyui alo nu vɔ̃, gake eva di vevie be woade ta agu na ye. Ŋutikɔkɔedidi na eɖokui nɔ vevie nɛ wu Mawu ŋu dzedze.—Xlẽ Mateo 4:8, 9; Yakobo 1:13, 14.

Mɔ kawo dzie Abosam to gale ŋusẽ kpɔm ɖe amewo dzi? Ðe wòle be nàvɔ̃ea? Àte ŋu akpɔ ŋuɖoɖo na biabia siawo le Biblia me.