Dzo kpo yi emenuwo dzi

Dzo kpo yi emenuawo dzi

Milford Sound

 DUKƆWO KPLE AMEWO

Tsaɖiɖi Yi New Zealand

Tsaɖiɖi Yi New Zealand

ANƆ ƒe 800 aɖewoe nye esi va yi si ame siwo nye Maoritɔwo zɔ mɔ kilometa akpe geɖe to atsiaƒu dzi va tsi New Zealand. Le afi sia la, wokpɔe be nutoa me to vovo kura na Polynesia ƒe ƒukpo si dzi yewoʋu tso la. Towo kple to siwo dzi tsikpewo tsana tso le teƒe sia, eye tawo kple sno hã le teƒea. Anɔ ƒe alafa atɔ̃ aɖewo megbe la, ame bubu aɖewo hã ʋu tso keke Europa ke va tsi afi ma. New Zealand tɔ geɖe wɔa nu abe Anglo-Saxon kple Polynesiatɔwo ene. Dua me tɔ blaasieke le alafa me le dugãwo me. Wellington si nye woƒe fiadu lae nye dugã si le anyiehe kekeake wu le xexea me.

Bafifi si le fiefiẽm le Dzigbe Ƒukpoa dzi

 Togbɔ be teƒe si New Zealand le tso abo hã la, tsaɖila miliɔn etɔ̃ kloe ɖia tsa yia afi ma ƒe sia ƒe elabe teƒe vovovo siwo nya kpɔ la le afi ma.

Ayedeti ƒomevi aɖe si tea ŋu kɔna meta 10

Hafi ƒe 1948 naɖo la, wosusu be takahe xe si medzona o la tsrɔ̃

Gbemelã vovovo siwo dome xe siwo medzona o bɔ ɖo le New Zealand wu teƒe bubu ɖe sia ɖe le xexea me. Afi mae adoglo ƒomevi aɖe si woyɔna be tuatara, si tea ŋu nɔa agbe abe ƒe 100 ene la hã le! Agutɔ aɖewo kple tɔmelã gã aɖewo siwo ƒe ɖewoe nye boso kple eƒomevi vovovo aɖewo le afi ma.

Yehowa Ðasefowo le dɔ dzi le New Zealand anɔ ƒe 120 kloe ye nye esia. Wole Biblia fiam amewo le gbegbɔgblɔ 19 ya teti me, eye Polynesiatɔwo ƒe gbe siwo nye Niuegbe, Rarotongagbe, Samoagbe kple Tongagbe hã le gbe siawo dome.

Maoritɔwo do nutoa me tɔwo ƒe awu le ɣe ɖum