Dzo kpo yi emenuwo dzi

Dzo kpo yi emenuawo dzi

 NYATI SI LE AKPAA DZI | ALE SI NÀNA NUMAME NYUIWO NAÐE VI NA WÒ

1 Da Sɔ

1 Da Sɔ

Ðewohĩ adzro wò be yeatrɔ nu sia nu le yeƒe agbe me enumake. Ègblɔ na ɖokuiwò be, ‘Le kwasiɖa sia me la, madzudzɔ sigaretnono, adzudzɔ amedzudzu, zã dzi nɔnɔ, adze kamedede gɔme, anɔ nuɖuɖu siwo dea lãmesẽ dzi ɖum, eye madze kaƒoƒo na tɔgbuinye kple mamanye.’ Gake agbagbadzedze be nàɖo wò taɖodzinuwo katã gbɔ le ɣeyiɣi ɖeka me awɔe be màɖo ɖeke gbɔ o!

BIBLIA ƑE MƆFIAME: “Ame siwo nyaa afi si woƒe ŋutete se ɖo la si mee nunya le.”Lododowo 11:2.

Ame si nyaa afi si eƒe ŋutete se ɖo la dana sɔna. Enya be seɖoƒe li na yeƒe ɣeyiɣi, ŋusẽ kple nunɔamesiwo. Eya ta le esi teƒe be wòadze agbagba be yeatrɔ nu sia nu le ɣeyiɣi ɖeka me la, ewɔa tɔtrɔawo vivivi.

Agbagbadzedze be nàɖo wò taɖodzinuwo katã gbɔ le ɣeyiɣi ɖeka me awɔe be màɖo ɖeke gbɔ o!

NU SI NÀTE ŊU AWƆ

Wɔ dɔ tso wò numame gbegblẽwo ŋu ɖekaɖeka. Zɔzɔ ɖe afɔɖoƒe siwo gbɔna dzi ate ŋu akpe ɖe ŋuwò:

  1. Tsɔ numame nyuiwo nɔ gbegblẽawo ɖɔlim kabakaba. Le kpɔɖeŋu me, ne television kpɔkpɔ fũu akpa kpe ɖe wò numame gbegblẽwo ŋu, eye ƒometɔwo yɔyɔ le nyuiawo dome la, ekema àte ŋu aɖoe be: ‘Le esi masi television ne megbɔ tso dɔme teti teƒe la mayɔ xɔ̃nye alo ƒometɔ aɖe boŋ gbã abia eƒe agbe ta se.’

  2. Ŋlɔ numame nyui siwo nàdi be yeatu ɖo kple numame gbegblẽ siwo ŋu nàdi be yeaɖe asi le la ɖi. Ŋlɔ geɖe ale si nàte ŋui ɖi.

  3. Tia ɖeka alo eve tso nuŋlɔɖiawo dometɔ ɖe sia ɖe me eye nàwɔ dɔ tso wo ŋu. Eyome nàgatsɔ ɖeka alo eve siwo kplɔe ɖo agawɔ dɔ tso wo ŋu nenema ke.

Tsɔ numame nyuiwo nɔ gbegblẽawo ɖɔlim kabakaba. Le kpɔɖeŋu me, ne television kpɔkpɔ fũu akpa kpe ɖe wò numame gbegblẽwo ŋu, eye ƒometɔwo yɔyɔ le nyuiawo dome la, ekema àte ŋu aɖoe be: ‘Le esi masi television ne megbɔ tso dɔme teti teƒe la mayɔ xɔ̃nye alo ƒometɔ aɖe boŋ gbã abia eƒe agbe ta se.’