Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Nyɔ!  |  No. 2 2017

 NYATI SI LE AKPAA DZI | NU KAE LE MEGBE NA VIVIMEŊUSẼWO?

Amewo Va Le Vivi Dom Ðe Vivimeŋusẽwo Ŋu!

Amewo Va Le Vivi Dom Ðe Vivimeŋusẽwo Ŋu!

“Ame kuku siwo wobe wodona le zã me va noa ʋu le lãme na ame (vampire), ame siwo wobe wotrɔna zua amegãxiwo (werewolves) kple ame kuku siwo wobe wotrɔna zua amegbetɔwo (zombie)—trɔ̃ƒoƒo kple gbɔgbɔ vɔ̃ nyanya le ame me va bɔ.”—The Wall Street Journal.

ŊUTSU tsitsi kple ɖekakpui siwo nye adzetɔwo, nyɔnu adzetɔwo kple vampaya siwo nya kpɔ nye vivimeŋusẽwo ƒe nuwɔna siwo va bɔ ɖe agbalẽwo, videowo kple videofefe siwo adzɔhawo wɔna me. Nu kae na amewo doa vivi ɖe wo ŋu? *

Aƒetɔ Claude Fischer si nye hadomeŋutinunya ƒe nufialagã ŋlɔ bena: “Tsã la Amerikatɔ 1 le 10 mee xɔe se be ŋɔliwo li, gake fifia ame 1 le 3 mee xɔe se, si fia be dzixɔse sia le ta kekem. Le Amerika la, ɖevi siwo be yewokaa afa, yewoxɔ ŋɔliwo dzi se eye yewoxɔe se be gbɔgbɔ vɔ̃wo xɔa aƒewo le amewo si la sɔ gbɔ wu ame tsitsiwo zi gbɔ zi eve.”

Mewɔ nuku o be ale si amewo xɔe se be gbɔgbɔ vɔ̃wo gena ɖe amewo me tsã la gatrɔ gbɔ ŋɔdzitɔe. Michael Calia ŋlɔ ɖe agbalẽ si nye The Wall Street Journal me be: “Nu si ta gbɔgbɔ vɔ̃wo ƒe amedzidzedze va le dzidzedze kpɔm le dukɔ geɖe me la tso ale si amewo va le dzidzɔ kpɔm ɖe Zombie, werewolf kple vampayawo ŋu gbɔ.”

Nyatakaka aɖe gblɔ be: “Le xexea me godoo la, ame 25 va ɖo 50 le alafa me ye xɔ ŋɔliwo dzi se eye woƒoa nu tso wo ŋu le agbalẽwo me le dukɔ geɖe me.” Numekuku si hadomeŋutinunya ƒe nufialagã Christopher Bader kple Carson Mencken wɔ le Amerika ɖee fia be “Amerikatɔ 70 va ɖo 80 le alafa mee xɔ gbɔgbɔyɔyɔ ƒomevi aɖe dzi se.”

Ðe gomekpɔkpɔ le gbɔgbɔyɔyɔ me nye fefe dzroa?

^ mm. 4 Vivimeŋusẽwo: Enye nane si me “dzɔdzɔmeŋutinunyalawo alo dzɔdzɔmesewo metea ŋu ɖena o.”—Merriam-Webster’s Learner’s Dictionary.