GBETAKPƆXƆ—TATA SI MÍESRƆ̃NA June 2019

Nusɔsrɔ̃nyati siwo me míadzro tso August 5 va se ɖe September 1, 2019 la le tata sia me.

‘Mikpɔ Nyuie Be Ame Aɖeke Nagaɖe Aboyo Mi O’!

Satana bi ɖe amefuflu me ŋutɔ. Aleke wòdzea agbagba be yeakpɔ ŋusẽ ɖe míaƒe tamesusu dzi ahana míadzudzɔ Yehowa subɔsubɔ?

Mu Tamebubu Siwo Xea Mɔ Ðe Mawu Ŋuti Sidzedze Nu La Ƒu Anyi!

Nu siwo me míeto le agbe me, míaƒe dekɔnuwo, hehe si míexɔ kple míaƒe sukudede siaa kpɔa ŋusẽ ɖe míaƒe nuŋububu dzi. Aleke míawɔ aɖe asi le nɔnɔme gbegblẽ siwo “li ke sesĩe” le mía me la ŋu?

Ðo Ŋu Ðe Yehowa Ŋu Ne Èle Nɔnɔme Sesẽwo Me Tom

Ne nu te ɖe mía dzi ɣeyiɣi didi la, ate ŋu agblẽ nu le míaƒe ametia kple míaƒe seselelãme siaa ŋu. Míate ŋu asrɔ̃ nu geɖe tso ale si Yehowa kpe ɖe esubɔla siwo nɔ anyi le blema la ŋu wote ŋu do dzi le xaxawo me la me.

Kpe Ðe Amewo Ŋu Woado Dzi Le Xaxawo Me

Lot, Hiob, kple Naomi subɔ Yehowa nuteƒewɔwɔtɔe, ke hã, ehiã be woado dzi le xaxa siwo va wo dzi la me. Nu kae míate ŋu asrɔ̃ tso nu si me woto la me?

Ale Si Nàkpɔ Ðokuiwò Ta Be Satana Ƒe Mɔ̃ Vɔ̃ɖi Aɖe Nagaɖe Wò O

Mɔ̃ si nye amamaɖeɖenuwɔnawo kpɔkpɔ la ɖe Mawu subɔla geɖe. Aleke míate ŋu aƒo asa na nuwɔna makɔmakɔ sia?

Woxlẽ Blemagbalẽ Xatsaxatsa Aɖe Si Womate Ŋu Ake Bɔbɔe O

Le ƒe 1970 me la, tomenukulawo ke ɖe agbalẽ xatsaxatsa aɖe si dzo fiã la ŋu le Israel. Wova zã mɔ̃ɖaŋununya deŋgɔ si woyɔna be 3-D tsɔ ke agbalẽ xatsaxatsaa ƒe foto si le kɔmpiuta dzi. Nu kae esia ɖe fia?