Dzo kpo yi emenuwo dzi

Dzo kpo yi emenuawo dzi

 ŊKULÉLE ÐE XEXEA ME ŊU

Susuhehe Yi Nutoa Me Dzi

Susuhehe Yi Nutoa Me Dzi

Togbɔ be ya nyui, tsi nyui kple nuɖuɖu nyuiwo le anyigba dzi hã la, amegbetɔwo yi edzi le nu gblẽm le dzɔdzɔmenu siawo ŋu. Dzɔdzɔmeŋutinunyalawo le agbagba dzem vevie be yewoaɖɔ nɔnɔmea ɖo do kpoe.

Australia

Wobu akɔnta be tsi si me dze mele fũu o ƒe agbɔsɔsɔme si axɔ teƒe si ƒe kekeme, kɔkɔme kple didime nye kilometa 500,000 ye le atsiaƒu gã gbanaa la gɔme. Aƒetɔ Vincent Post si le Flinders Yunivɛsiti le Adelaide gblɔ be: “Atsiaƒu yi gɔme tsã wu fifia,” eye anyigba kɔ gbɔ atsiaƒua ta boo. Ɣemaɣi la, tsidzadza “ɖɔna ɖe teƒe siwo va le atsiaƒuwo te egbea.” Dzɔdzɔmeŋutinunyalawo le mɔ kpɔm be tsi gbogbo mawo siwo le atsiaƒu gɔme la akpe ɖe ame miliɔn 700 kple edzivɔwo siwo mekpɔa tsi nyui wòsuna na wo o la ŋu.

Sahara Dzogbe

Lã gã siwo nɔa Sahara tsã la ƒe afã nu yi alo wova tsi teƒe sue aɖe si ƒe lolome mede teƒe tsãtɔ si wonɔ la ƒe akpa ɖeka le alafa me nu o. Nu siwo gbɔ esia tso la ƒe ɖewoe nye ʋunyaʋunyawɔwɔ siwo yia edzi le nuto mawo me kple ale si ame geɖewo daa ade lãwoe. Togbɔ be nu gbagbe siwo nɔa dzogbewo ƒe agbɔsɔsɔ ate ŋu ade esiwo le ave dodowo me nu hã la, numekulawo gblɔ be, “esi womenaa gakpekpeɖeŋu dzɔdzɔmeŋutinunyalawo o tae womeléa ŋku ɖe nu gbagbe siwo le dzogbewo la ŋu o.” Esia na wòsesẽ na ame siwo kpɔa nu gbagbewo dzi le dzogbe la be woanya lãwo ƒe agbɔsɔsɔme ahalé ŋku ɖe wo ŋu.

Xexea Me

Wobu akɔnta be yame ƒe ɖiƒoƒoe wu ame siwo katã ku le ƒe 2012 me la dometɔ ɖeka le enyi me. Xexea Me Lãmesẽ Habɔbɔ gblɔ be “yame ƒe ɖiƒoƒo gbɔe lãmesẽkuxi gãtɔ tsona fifia.”