Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Kristotɔwo Ƒe Agbenɔnɔ Kple Subɔsubɔdɔ—Kpekpea Ƒe Nusrɔ̃gbalẽ  |  May 2016

 NU XƆASI SIWO LE MAWU ƑE NYA LA ME | PSALMOWO 11-18

Ame Kae Adze Yehowa Ƒe Agbadɔ Me?

Ame Kae Adze Yehowa Ƒe Agbadɔ Me?

Be ame nadze Yehowa ƒe agbadɔ me fia be ame nanye Mawu xɔlɔ̃, aka ɖe eya amea dzi ahaɖo toe. Psalmo 15 lia ƒo nu tso nɔnɔme siwo Yehowa di be wòanɔ ame si anye ye xɔlɔ̃ si ŋu.

ELE BE AME SI ADZE YEHOWA ƑE AGBADƆ ME NANYE . . . 

  • ame si wɔa nuteƒe

  • ame si toa nyateƒe le dzi me

  • ame si dea bubu Yehowa subɔla bubuwo ŋu

  • ame si wɔna ɖe eƒe nya dzi ne esia wɔwɔ sesẽ gɔ̃ hã

  • ame si kpena ɖe hiãtɔwo ŋu eye mekpɔa mɔ be woaɖo eteƒe na ye o

ELE BE AME SI ADZE YEHOWA ƑE AGBADƆ ME NAƑO ASA NA . . . 

  • amenyagbɔgblɔ kple ameŋugbegblẽ

  • nu si agblẽ nu le ehavi ŋu la wɔwɔ

  • nɔvia Kristotɔwo tafatafa

  • hadede kple ame siwo mesubɔa Yehowa alo ɖoa toe o

  • zãnuxɔxɔ