Dzo kpo yi emenuwo dzi

Dzo kpo yi emenuawo dzi

 KRISTOTƆWO ƑE AGBENƆNƆ

Na Tsɔɖui Geɖe Nanɔ Wò Ðokuisinusɔsrɔ̃ Me

Na Tsɔɖui Geɖe Nanɔ Wò Ðokuisinusɔsrɔ̃ Me

NU SI TA WÒLE VEVIE: Ne míesrɔ̃a Mawu ƒe Nyaa le mía ɖokui si la, akpe ɖe mía ŋu be “[míate] ŋu ase nyateƒea ƒe kekeme kple didime kple kɔkɔme kpakple goglome gɔme tsitotsito.” (Ef 3:18) Akpe ɖe mía ŋu hã be míanye fɔmaɖilawo kple mokakamanɔŋutɔwo le dzidzime vɔ̃ɖi sia me eye “[míalé] agbenya la me ɖe asi goŋgoŋ.” (Flp 2:15, 16) Ðokuisinusɔsrɔ̃ nana ame ŋutɔ tiaa nyati aɖe si ŋu wòadi be yeasrɔ̃ nu tsoe le Mawu ƒe Nyaa me. Aleke míawɔ be ɣeyiɣi si míezãna tsɔ xlẽa Biblia hesrɔ̃nɛ la naɖe vi na mí geɖe wu?

ALE SI NÀWƆE:

  • De dzesi kpukpuiwo eye nàwɔ nuŋlɔɖiwo ɖe Biblia si nèzãna tsɔ srɔ̃a nui, eɖanye Biblia ŋutɔ loo alo mɔ̃ dzi tɔ o, me

  • Ne èle Mawu ƒe Nyaa xlẽm la, bia nya siawo ɖokuiwò: ‘Ame ka? Nu ka? Ɣekaɣie? Afi ka? Nu ka ta? Alekee?’

  • Ku nu me. Zã numekugbalẽ siwo li nàtsɔ aku nu mee, àte ŋu adi nyati alo Biblia kpukpui aɖe

  • De ŋugble le nu si nèxlẽ la ŋu eye nàde dzesi ale si woka wòe

  • Wɔ nu siwo nèsrɔ̃ la ŋu dɔ gbe sia gbe.—Lk 6:47, 48

MIKPƆ VIDEO SI NYE LÉ AGBENYA LA ME ÐE ASI GOŊGOŊ’ TO ÐOKUI- SINUSƆSRƆ̃ SI ME TSƆÐUI LE DZI, EYOME MIAÐO BIABIA SIAWO ŊU:

  • Aleke ame aɖewo ɖɔ ɖokuisinusɔsrɔ̃e?

  • Nu ka tae wòle be míado gbe ɖa hafi adze ɖokuisinusɔsrɔ̃ ɖe sia ɖe gɔme?

  • Nu kae akpe ɖe mía ŋu be míase Biblia ƒe akpa aɖe gɔme nyuie wu?

  • Amadede kawo tɔgbie míate ŋu atsɔ ade dzesi nuwo le míaƒe Biblia me?

  • Ne míele Mawu ƒe Nyaa srɔ̃m la, nu ka tae wòhiã be míade ŋugble le eŋu?

  • Aleke wòle be míazã nu siwo míesrɔ̃ lae?

“Aleke gbegbe nyemehelɔ̃a wò se lae o! medea ŋugble le eŋu ŋkeke blibo la.”—Ps 119:97